പ്രമുഖ നടന് ഭീമന് രഘു സിനിമാ സംവിധായകനും, ഗായകനുമായി അരങ്ങേറി. ചാണ എന്ന് പേരിട്ട ചിത്രത്തിലാണ് ഭീമന് രഘു സംവിധായകനായും ഗായകനായും അരങ്ങേറുന്നത്.
ആദ്യമാണ് ഭീമന് രഘു ഒരു സിനിമാ സംവിധായകനാകുന്നത്. ഒപ്പം സിനിമയില് ഒരു ഗാനം ആലപിക്കുന്നതും. ഭീമന് രഘു പ്രധാന വേഷത്തിലെത്തുന്ന ചിത്രത്തില്, പ്രമുഖ താരങ്ങളോടൊപ്പം പുതുമുഖങ്ങളും വേഷമിടുന്നു.
എസ്എംആര് ഫിലിംസിനു വേണ്ടി രഘു കായംകുളം, സുരേഷ് കായംകുളം, തടിയൂര് കലേഷ് കുമാര് എന്നിവര് നിര്മ്മിക്കുന്ന ചാണയുടെ കഥ, തിരക്കഥ, സംഭാഷണം അജി അയലറ നിര്വഹിക്കുന്നു. കത്രീന വിജിമോള്, ലെജിന് ചെമ്മാനി എന്നിവരുടെ വരികൾക്ക് മുരളി അപ്പാടത്ത് സംഗീതം പകരുന്നു.
കായംകുളം, പുനലൂര്, തെന്മല എന്നിവിടങ്ങളിലായി ചാണയുടെ ചിത്രീകരണം ഉടൻ തുടങ്ങും.