മരക്കാറിനെ ചൊല്ലി സോഷ്യൽ മീഡിയ രണ്ട് തട്ടിലാണ്. ചിലർ ചിത്രം ഇഷ്ടമായില്ലെന്ന് പറയുന്പോൾ. ചിലർ ചിത്രത്തിന്റെ ഗ്രാഫിക്സ് അടക്കം മികച്ചതാണെന്ന് സാക്ഷ്യപ്പെടുത്തുന്നു. ഇപ്പോഴിതാ അത്തരത്തിലൊരു വിമർശനം ഉന്നയിച്ച പ്രേക്ഷകനോട് മാപ്പ് ചോദിച്ച് സിനിമയുടെ തിരക്കഥാകൃത്തുക്കളില് ഒരാളായ അനി ഐ.വി.ശശി.
‘സിനിമയുടെ തിരക്കഥ മോശമാണ്. തിരക്കഥയാണ് സിനിമയുടെ നട്ടെല്ല്. ഗ്രാഫിക്സ് കൊണ്ട് എന്തെല്ലാം ചെയ്താലും തിരക്കഥ ദുർബലമാണെങ്കിൽ അന്തിമ ഫലം ദുരന്തമായിരിക്കും. വളരെയധികം നിരാശപ്പെടുത്തി. നമുക്ക് കാലാപാനി, പഴശ്ശിരാജ എന്നീ സിനിമകൾ പഠനത്തിനായി ഉണ്ട്..’ ഇതായിരുന്നു പ്രേക്ഷകന്റെ ട്വീറ്റ്. ഇതിന് മറുപടിയായി അതെ, അതിൽ ക്ഷമ ചോദിക്കുന്നുവെന്നും, വീണ്ടും മാപ്പ് എന്നും അനി ഐ.വി ശശി ട്വീറ്റ് ചെയ്തിട്ടുണ്ട്.