തെലുങ്ക് സൂപ്പർ സ്റ്റാർ നാനിയെ നായകനാക്കി രാഹുൽ സംകൃത്യൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ശ്യാം സിങ്ക റോയി. നിഹാരിക എന്റർടൈൻമെന്റിന്റെ ബാനറിൽ ശ്രീ വെങ്കട്ട് ബോയ്നപ്പള്ളി നിർമാണം നിർവഹിക്കുന്ന ചിത്രത്തിന്റെ ടീസർ 18 ന് പുറത്തിറങ്ങും.
കൃഷ്ണകാന്തിന്റെ വരികൾക്ക് സംഗീതം പകർന്നിരിക്കുന്നത് മിക്കി ജെ. മെയർ ആണ്. വിശാൽ ദാദ്ലാനി, അനുരാഗ് കുൽകാർണി, സിസി സുങ് എന്നിവർ ആലപിച്ച ഗാനം ഇതിനോടകം പ്രേക്ഷകർ ഏറ്റെടുത്തു കഴിഞ്ഞു.
സായ് പല്ലവി, കൃതി ഷെട്ടി, മഡോണ സെബാസ്റ്റ്യൻ എന്നിവരാണ് നായികമാർ. രാഹുൽ രവീന്ദ്രൻ, മുരളി ശർമ്മ, അഭിനവ് ഗോമതം, ജിഷു സെൻ ഗുപ്ത, ലീലാ സാംസൺ, മനീഷ് വാദ്വ, ബരുൺ ചന്ദ എന്നിവരാണ് മറ്റു അഭിനേതാക്കൾ.