മകൾ ഹരിശ്രീ കുറിക്കുന്ന ചിത്രം പങ്കുവച്ച് നടൻ ദിലീപ്. 'ഇന്ന് ഞങ്ങളുടെ മഹാലക്ഷ്മി ആദ്യാക്ഷരം കുറിച്ചു. ശ്രീശങ്കരന്റെ ദിവ്യസാന്നിദ്ധ്യം നിറഞ്ഞ ആവണംകോട് സരസ്വതി ക്ഷേത്രനടയിൽ. ആദ്യാക്ഷരം അമ്മയാണ്, എല്ലാത്തിന്റേയും പ്രഭവം. മഹാലക്ഷ്മിയെ സരസ്വതി ദേവി അനുഗ്രഹിക്കട്ടെ... എല്ലാവരുടെയും അനുഗ്രഹവും പ്രാർത്ഥനയും ഉണ്ടാകണം,' ദിലീപ് ഫോട്ടോ പോസ്റ്റ് ചെയ്ത് കുറിച്ചു.
ചിത്രത്തിൽ അമ്മ കാവ്യയും ചേച്ചി മീനാക്ഷിയും ഉണ്ട്. മീനാക്ഷിയുടെ കയ്യിൽ ഇരിക്കുന്ന മഹാലക്ഷ്മിയും ഒപ്പം ദിലീപും കാവ്യയും കൂടി നിൽക്കുന്ന ഒരു ചിത്രവും ദിലീപ് പോസ്റ്റ് ചെയ്തിട്ടുണ്ട്.