ചേർത്തല: ഗവ. ഗേൾസ് ഹയർ സെക്കൻഡറി സ്കൂളിൽ സ്റ്റുഡന്‍റ് പോലീസ് കേഡറ്റ് യൂണിറ്റിന്‍റ ഉദ്ഘാടനം മന്ത്രി പി. തിലോത്തമൻ നിർവഹിച്ചു. വിദ്യാഭ്യാസ സ്ഥിരംസമിതി അധ്യക്ഷൻ ബി. ഭാസി അധ്യക്ഷത വഹിച്ചു. എൻ.ആർ. ബാബുരാജ്, പി. ജ്യോതിമോൾ, ചേർത്തല സിഐ വി.പി. മോഹൻലാൽ, അസി. നോഡൽ ഓഫീസർ കെ.വി. ജയചന്ദ്രൻ, എക്സൈസ് റേഞ്ച് ഓഫീസർ എ.വി. സലിലകുമാർ, ചേർത്തല ജോയിൻറ് ആർടിഒ കെ. മനോജ്, ബി. ലളിതകുമാരി, പ്രഥമാധ്യാപകൻ സി.എ. തോമസ്, പിടിഎ പ്രസിഡന്‍റ് വി.കെ. പ്രസാദ്, സി. രാജശ്രീ, വി.എ. സ്റ്റാലിൻ എന്നിവർ പ്രസംഗിച്ചു. സ്കൂളിലെ എട്ടാം ക്ലാസിലുള്ള 44 വിദ്യാർഥികൾക്കാണ് ആദ്യഘട്ടത്തിൽ പരിശീലനം നൽകുന്നത്. ചേർത്തല സ്റ്റേഷനിലെ പോലീസ് ഓഫീസർമാരായ ഡി. ഷൈജു, പി. മിനിമോൾ എന്നിവരാണ് നേത്യത്വം നൽകുന്നത്.
