ജോജു ജോര്ജിന്റെ സ്റ്റാര് ഒടിടി റിലീസിന് ഒരുങ്ങുന്നുവെന്ന് നേരത്തെ റിപ്പോര്ട്ടുകളുണ്ടായിരുന്നു.അഭ്യൂഹങ്ങള്ക്ക് വിരാമമിട്ട് ചിത്രത്തിന്റെ അണിയറ പ്രവര്ത്തകരുടെ പുതിയ അറിയിപ്പ്.
ഒരിടവേളക്ക് ശേഷം സംസ്ഥാനത്ത് തിയറ്ററുകള് തുറക്കുമ്പോള് ചിത്രം തിയറ്റര് റിലീസായി തന്നെ എത്തും. ക്ലീന് യു സര്ട്ടിഫിക്കറ്റാണ് സെന്സര് ബോര്ഡ് സിനിമയ്ക്ക് നല്കിയിരിക്കുന്നത്. ജോജു ജോര്ജ്, പൃഥ്വിരാജ്, ഷീലു ഏബ്രഹാം എന്നിവരെ പ്രധാന കഥാപാത്രങ്ങളാക്കി ഡോമിന് ഡി സില്വ സംവിധാനം ചെയ്യുന്ന പുതിയ ചിത്രമാണ് സ്റ്റാര്.
സാനിയ ബാബു, ശ്രീലക്ഷ്മി, തന്മയ് മിഥുന്, ജാഫര് ഇടുക്കി, സബിത, ഷൈനി രാജന്, രാജേഷ് ജി തുടങ്ങിയവരാണ് മറ്റു പ്രധാന വേഷങ്ങളിലെത്തുന്നത്. നവാഗതനായ സുവിന് എസ് സോമശേഖരന്റേതാണ് രചന. അബാം മൂവീസിന്റെ ബാനറില് ഏബ്രഹാം മാത്യുവാണ് ചിത്രം നിര്മിക്കുന്നത്. ഹരിനാരായണനന്റെ വരികള്ക്ക് എം. ജയചന്ദ്രനും രഞ്ജിന് രാജും ചേര്ന്നാണ് സംഗീതമൊരുക്കുന്നത്. തരുണ് ഭാസ്കരന് ഛായാഗ്രഹണം നിര്വഹിക്കുന്നു.