സിനിമയിലെ ഡയലോഗ് പെട്ടെന്നു തന്നെ പഠിച്ച് പറയുന്ന മൂന്നു പേരുടെ പേരുപറഞ്ഞ് സംവിധായകൻ റോഷൻ ആൻഡ്രൂസ്. മോഹന്‍ലാല്‍, മഞ്ജു വാര്യര്‍, പൃഥ്വിരാജ് എന്നിവരാണ് താൻ കണ്ടിട്ടുള്ളതിൽ ഏറ്റവും വേഗം ഡയലോഗ് പഠിക്കുന്ന താരങ്ങളെന്ന് റോഷൻ പറയുന്നു. പിന്നീട് ഒരാള്‍ കൂടിയുള്ളത് ജഗതി ശ്രീകുമാറാണെന്നും അദ്ദേഹം കൂട്ടിച്ചേർക്കുന്നു.
'മൂന്നു പേജ് കൊടുത്താലും ഫോട്ടോസ്റ്റാറ്റ് പോലെ നമ്മളെ ഞെട്ടിച്ചു കൊണ്ട് ഇവര്‍ ഡയലോഗ് പഠിക്കും. ഡബ്ബിംഗ് ചെയ്യുമ്പോഴും ഈ സവിശേഷത കാണാന്‍ പറ്റും. ഡയലോഗുകള്‍ അഭിനേതാക്കള്‍ എളുപ്പത്തില്‍ പഠിച്ചെടുക്കുന്നത് ഏറെ ഗുണം ചെയ്യും.' -റോഷന്‍ ആന്‍ഡ്രൂസ് പറയുന്നു..
