സിനിമകളിലൂടെയും ടിവി പരിപാടികളിലൂടെയും പ്രേക്ഷകര്‍ക്ക് സുപരിചിതയാണ് സാധിക വേണുഗോപാല്‍. സോഷ്യല്‍ മീഡിയയില്‍ ആക്ടീവായ താരം എറ്റവും പുതിയ വിശേഷങ്ങളും ചിത്രങ്ങളും വീഡിയോകളുമെല്ലാം പങ്കുവയ്ക്കാറുണ്ട്.
അതേസമയം സാധികയുടെതായി വന്ന പുതിയ ഒരു വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. നാഗിന്‍ ഡാന്‍സുമായാണ് നടി ഇത്തവണ എത്തിയത്. ഒരു ചിത്രീകരണത്തിനിടെ ചെയ്ത ഡാന്‍സ് വീഡിയോ ആണ് സാധിക സോഷ്യല്‍ മീഡിയയില്‍ പോസ്റ്റ് ചെയ്തത്.
നടിയുടെ വീഡിയോയ്ക്ക് കീഴില്‍ കമന്‍റുകളുമായി നിരവധി പേരാണ് എത്തിയത്. ചിലര്‍ സാധികയെ ട്രോളികൊണ്ടാണ് എത്തിയത്. ട്രോളിയവര്ക്കെല്ലാം മറുപടി കൊടുത്തിട്ടുണ്ട് നടി. "ഇത് കൊത്തുമോ?' എന്നാണ് സാധികയുടെ വീഡിയോയ്ക്ക് താഴെ ഒരാള്‍ കമന്‍റിട്ടത്. "അതെ വിഷമുളള ജാതിയാ' എന്ന് നടി മറുപടി നല്‍കി.
"ബെല്ലി ഡാന്‍സാണോ' എന്നാണ് മറ്റൊരാളുടെ കമന്‍റ് "സ്നേക്ക് ഡാന്‍സ്, പാമ്പാട്ടം' എന്ന് സാധിക മറുപടി നല്‍കി. ഇത് ഏത് പാമ്പാ എന്ന ചോദ്യത്തിന് കോബ്ര എന്നാണ് സാധിക പറഞ്ഞത്.
"പറയുന്നത് കൊണ്ട് ഒന്നും വിചാരിക്കരുത്, ഡാന്‍സ് നിങ്ങള്‍ക്ക് പറ്റിയ പണിയല്ല എന്നാണ് സാധികയുടെ വീഡിയോയ്ക്ക് വന്ന മറ്റൊരു കമന്‍റ്. ഇതിന് മറുപടിയായി "ആണെന്ന് ആരേലും പറഞ്ഞോ' എന്ന് നടി കുറിച്ചു. മുമ്പ് ഗ്ലാമര്‍ ഫോട്ടോഷൂട്ടിന് വന്ന വിമര്‍ശനങ്ങള്‍ക്ക് വായടപ്പിക്കുന്ന മറുപടിയാണ് നടി നല്‍കിയത്.
