ദൃശ്യം 2ന് ശേഷം ജീത്തു ജോസഫും മോഹന്ലാലും വീണ്ടും ഒരുമിക്കുന്നു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിർമിക്കുന്ന ചിത്രം മിസ്റ്ററി ത്രില്ലർ ആണെന്ന് ജീത്തു ജോസഫ് ഒരു ഓൺലൈൻ മാധ്യമത്തോട് പറഞ്ഞു. പൃഥ്വിരാജിന്റെ സംവിധാനത്തില് മോഹന്ലാല് നായകനാവുന്ന 'ബ്രോ ഡാഡി'യേക്കാള് മുന്പേ ചിത്രീകരണം നടക്കുക ജീത്തു ജോസഫ് ചിത്രത്തിന്റേതായിരിക്കും.
സിനിമാ ചിത്രീകരണത്തിന് സര്ക്കാര് അനുമതി നല്കിയാലുടന് സിനിമയുടെ ഷൂട്ടിംഗ് തുടങ്ങുമെന്നും ജീത്തു പറയുന്നു. മോഹന്ലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന മറ്റൊരു ചിത്രമായ 'റാം' കോവിഡ് സാഹചര്യത്തില് ചിത്രീകരണം മുടങ്ങിയിരിക്കുകയാണ്.