കൃഷ്ണ ശങ്കർ പ്രധാന വേഷത്തിലെത്തുന്ന കുടുക്ക് 2025 ചിത്രത്തിന്റെ സോങ് ടീസർ ഞായറാഴ്ച പുറത്തിറങ്ങും. ടൊവിനോ തോമസിന്റെ ഫേസ്ബുക്ക് പേജിലൂടെയാണ് റിലീസ്. ചിത്രത്തിലൂടെ കൃഷ്ണ ശങ്കറിന്റെ സാദ്ധ്യതകളിലേക്ക് തുടക്കമിടാൻ പറ്റിയെന്ന് താൻ വിശ്വസിക്കുന്നതായി സംവിധായകൻ ബിലഹരി സോഷ്യൽ മീഡിയയിൽ കുറിച്ചു.
പോസ്റ്റിന്റെ പൂർണരൂപം
കുറച്ചു നാളായി ഞാനീ നടന്റെ /വ്യക്തിയുടെ കൂടെ ഉണ്ട് .. ഇയാളുടെ സാദ്ധ്യതകൾ സംസാരിച്ചു സുഹൃത്തുക്കളിൽ പലരോടും തല്ലുകൂടിയിട്ടുണ്ട് !! കിച്ചുവിൽ നിന്ന് മാരനിലേക്ക് ഒരു സ്റ്റെപ് വച്ച് ആ സാധ്യതയിലേക്ക് എനിക്കൊന്നു തുടക്കമിടാൻ പറ്റിയെന്നു ഇപ്പോൾ വിശ്വസിക്കുന്നുണ്ട് . നാളെ പുറത്തിറങ്ങുന്ന സോങ് ടീസർ അതിനടിവരയിടട്ടെ.
ഇനിയങ്ങോട്ട് കക്ഷിയുടെ വലിയ സ്റ്റെപ്പുകളുടെ സമയമാണ് . ആ സാധ്യതകളുടെ ഉറപ്പ് മുന്നോട്ടുള്ള പ്രതീക്ഷകളിൽ കരുത്തായുണ്ട് !! അതിന്റെ സന്തോഷവും മനസ്സിൽ നിറഞ്ഞു നിൽക്കുന്നുണ്ട് .. Happy Birthday SVK !! തലയെത്തിച്ചു നോക്കേണ്ടി വരുന്ന ഉയരങ്ങളിലേക്ക് പറക്കാൻ ഈ ജന്മദിനം നാന്ദി കുറിക്കട്ടെ !!