ചില വ്യാജ ഓൺലൈൻ വെബ്സൈറ്റുകൾ ബിഗ് ബോസ് മലയാളം നാലാം സീസണിലേക്ക് ഓഡിഷനു വേണ്ടിയുള്ള അപേക്ഷകൾ ക്ഷണിക്കുന്നത് ശ്രദ്ധയിൽപെട്ടതായി ഏഷ്യാനെറ്റ് സ്റ്റാർ കമ്മ്യൂണിക്കേഷൻസ് പ്രൈവറ്റ് ലിമിറ്റഡ്.
ഏഷ്യാനെറ്റ് സ്റ്റാർ കമ്മ്യൂണിക്കേഷൻസ് പ്രൈവറ്റ് ലിമിറ്റഡോ എൻഡെമോൾ ഷൈൻ ഗ്രൂപ്പോ ഓഡിഷൻ അപേക്ഷകൾ ക്ഷണിച്ചിട്ടില്ലെന്നും കൂടാതെ മറ്റു വ്യക്തികൾക്കോ സ്ഥാപനങ്ങൾക്കോ അതിനുള്ള അംഗീകാരം നൽകിയിട്ടില്ലെന്നും ചാനൽ പുറത്തിറക്കിയ വാർത്താക്കുറിപ്പിൽ അറിയിച്ചു.
ഷോയിൽ പങ്കാളിത്തം വാഗ്ദാനം ചെയ്യുന്ന ഏതെങ്കിലും ഏജൻസികൾക്കോ സ്ഥാപനങ്ങൾക്കോ വെബ്സൈറ്റുകൾക്കോ വ്യക്തിഗത വിശദാംശങ്ങളും വിലപ്പെട്ട രേഖകളും പങ്കിടരുതെന്നും വാർത്താക്കുറിപ്പിൽ അഭ്യർഥിക്കുന്നു.
പ്രേം ടി. നാഥ്