വൈക്കം: വൈക്കം സത്യഗ്രഹത്തിന്റെ ശതാബ്ദി ആഘോഷങ്ങളുടെ ഉദ്ഘാടനച്ചടങ്ങില് മലയാളത്തില് പ്രസംഗിച്ചു സദസിനെ കൈയിലെടുത്ത് തമിഴ്നാട് മുഖ്യമന്ത്രി എം.കെ. സ്റ്റാലിന്.
ദ്രാവിഡ ഭാഷാകുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ പ്രിയ സഹോദരീ സഹോദരന്മാരെ എന്ന് അഭിസംബോധന ചെയ്ത അദ്ദേഹം പരിപാടി സംഘടിപ്പിച്ചതിനു തമിഴ് മക്കളുടെ പേരില് നന്ദി അറിയിക്കുന്നുവെന്നും വ്യക്തമാക്കി.
സ്റ്റാലിന് പ്രസംഗം തുടങ്ങിയത് ഇങ്ങനെ: വണക്കം. വൈക്കം സത്യഗ്രഹത്തിന്റെ നൂറാം വാര്ഷികം ഗംഭീരമായി നടത്താന് ഏര്പ്പാടുചെയ്ത ബഹുമാനപ്പെട്ട കേരള മുഖ്യമന്ത്രിയും എന്റെ പ്രിയപ്പെട്ട സുഹൃത്തുമായ പിണറായി വിജയന് അവര്കളെ, ബഹുമാനപ്പെട്ട മന്ത്രിമാരെ, പ്രതിപക്ഷ നേതാവ് അവര്കളെ, ബഹുമാനപ്പെട്ട നിയമസഭാ സാമാജികരെ, പാര്ലമെന്റ് അംഗങ്ങളെ ... ദ്രാവിഡഭാഷാ കുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ എന്റെ പ്രിയ സഹോദരീ സഹോദരന്മാരെ നിങ്ങള് എല്ലാവര്ക്കും സ്വാഗതം. ഈ പരിപാടി സംഘടിപ്പിച്ചതിന് തമിഴ് മക്കളുടെ പേരില് നന്ദി അറിയിക്കുന്നു - സ്റ്റാലിന് പറഞ്ഞു. അയിത്തത്തിന് എതിരായ പോരാട്ടത്തില് രാജ്യത്തിന് മാതൃകയാണ് വൈക്കം സത്യഗ്രഹമെന്ന് അദ്ദേഹം കൂട്ടിച്ചേര്ത്തു.
വൈക്കം സത്യഗ്രത്തിന്റെ ശതാബ്ദി കേരള-തമിഴ്നാട് സംസ്ഥാനങ്ങള് ഒന്നിച്ച് ആഘോഷിക്കണമെന്ന ആഗ്രഹം താന് പ്രകടിപ്പിച്ചിരുന്നു. ആഘോഷം അത്തരത്തില് നടത്താമെന്നുപറഞ്ഞ പിണറായി വിജയന് തന്നെ സ്വാഗതം ചെയ്യുകയാണ് ഉണ്ടായത്.
ഉടല്കൊണ്ട് താനും പിണറായി വിജയനും രണ്ടാണെങ്കിലും ചിന്തകൊണ്ട് ഒന്നാണ്. തമിഴ്നാട്ടില് നിയമസഭാ സമ്മേളനം നടക്കുകയാണ്. എങ്കിലും ചടങ്ങില് പങ്കെടുക്കണമെന്ന അതിയായ ആഗ്രഹം ഉള്ളതുകൊണ്ടാണ് എത്തിയത്. വൈക്കത്ത് നടന്നത് കേരളത്തെ മാത്രമല്ല തമിഴ്നാടിനെ സംബന്ധിച്ചും മഹത്തായ പോരാട്ടമാണെന്ന് അദ്ദേഹം പറഞ്ഞു.
വൈക്കം കേരളത്തിലാണെങ്കിലും തമിഴ്നാടിനും ഏറെ പ്രിയപ്പെട്ടതാണ്. വൈക്കം പോരാട്ടം കഴിഞ്ഞു നൂറു വര്ഷം കടന്നു പോയിരിക്കുന്നു. എന്നിട്ടും ഈ സമയത്തും തമിഴ്നാടിനെ മറക്കാത്ത പിണറായി വിജയനു നന്ദി. വൈക്കം സമരനായകര് വാഴട്ടെ. നന്ദി, വണക്കം- എന്നു പറഞ്ഞാണ് സ്റ്റാലിൻ പ്രസംഗം അവസാനിപ്പിച്ചത്.
ദ്രാവിഡ ഭാഷാകുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ പ്രിയ സഹോദരീ സഹോദരന്മാരെ എന്ന് അഭിസംബോധന ചെയ്ത അദ്ദേഹം പരിപാടി സംഘടിപ്പിച്ചതിനു തമിഴ് മക്കളുടെ പേരില് നന്ദി അറിയിക്കുന്നുവെന്നും വ്യക്തമാക്കി.
സ്റ്റാലിന് പ്രസംഗം തുടങ്ങിയത് ഇങ്ങനെ: വണക്കം. വൈക്കം സത്യഗ്രഹത്തിന്റെ നൂറാം വാര്ഷികം ഗംഭീരമായി നടത്താന് ഏര്പ്പാടുചെയ്ത ബഹുമാനപ്പെട്ട കേരള മുഖ്യമന്ത്രിയും എന്റെ പ്രിയപ്പെട്ട സുഹൃത്തുമായ പിണറായി വിജയന് അവര്കളെ, ബഹുമാനപ്പെട്ട മന്ത്രിമാരെ, പ്രതിപക്ഷ നേതാവ് അവര്കളെ, ബഹുമാനപ്പെട്ട നിയമസഭാ സാമാജികരെ, പാര്ലമെന്റ് അംഗങ്ങളെ ... ദ്രാവിഡഭാഷാ കുടുംബത്തില്പ്പെട്ട മലയാളം സംസാരിക്കുന്ന കേരളത്തിലെ എന്റെ പ്രിയ സഹോദരീ സഹോദരന്മാരെ നിങ്ങള് എല്ലാവര്ക്കും സ്വാഗതം. ഈ പരിപാടി സംഘടിപ്പിച്ചതിന് തമിഴ് മക്കളുടെ പേരില് നന്ദി അറിയിക്കുന്നു - സ്റ്റാലിന് പറഞ്ഞു. അയിത്തത്തിന് എതിരായ പോരാട്ടത്തില് രാജ്യത്തിന് മാതൃകയാണ് വൈക്കം സത്യഗ്രഹമെന്ന് അദ്ദേഹം കൂട്ടിച്ചേര്ത്തു.
വൈക്കം സത്യഗ്രത്തിന്റെ ശതാബ്ദി കേരള-തമിഴ്നാട് സംസ്ഥാനങ്ങള് ഒന്നിച്ച് ആഘോഷിക്കണമെന്ന ആഗ്രഹം താന് പ്രകടിപ്പിച്ചിരുന്നു. ആഘോഷം അത്തരത്തില് നടത്താമെന്നുപറഞ്ഞ പിണറായി വിജയന് തന്നെ സ്വാഗതം ചെയ്യുകയാണ് ഉണ്ടായത്.
ഉടല്കൊണ്ട് താനും പിണറായി വിജയനും രണ്ടാണെങ്കിലും ചിന്തകൊണ്ട് ഒന്നാണ്. തമിഴ്നാട്ടില് നിയമസഭാ സമ്മേളനം നടക്കുകയാണ്. എങ്കിലും ചടങ്ങില് പങ്കെടുക്കണമെന്ന അതിയായ ആഗ്രഹം ഉള്ളതുകൊണ്ടാണ് എത്തിയത്. വൈക്കത്ത് നടന്നത് കേരളത്തെ മാത്രമല്ല തമിഴ്നാടിനെ സംബന്ധിച്ചും മഹത്തായ പോരാട്ടമാണെന്ന് അദ്ദേഹം പറഞ്ഞു.
വൈക്കം കേരളത്തിലാണെങ്കിലും തമിഴ്നാടിനും ഏറെ പ്രിയപ്പെട്ടതാണ്. വൈക്കം പോരാട്ടം കഴിഞ്ഞു നൂറു വര്ഷം കടന്നു പോയിരിക്കുന്നു. എന്നിട്ടും ഈ സമയത്തും തമിഴ്നാടിനെ മറക്കാത്ത പിണറായി വിജയനു നന്ദി. വൈക്കം സമരനായകര് വാഴട്ടെ. നന്ദി, വണക്കം- എന്നു പറഞ്ഞാണ് സ്റ്റാലിൻ പ്രസംഗം അവസാനിപ്പിച്ചത്.