ഹരിഹരൻ സംവിധാനം ചെയ്ത മയൂഖം എന്ന ചിത്രത്തിലൂടെ മലയാളസിനിമയിൽ അരങ്ങേറ്റം കുറിച്ച താരമാണ് സൈജു കുറുപ്പ്. പിന്നീടിങ്ങോട്ട് നിരവധി ചിത്രങ്ങളിൽ ശ്രദ്ധേയ കഥാപാത്രങ്ങളെ അവതരിപ്പിക്കാൻ താരത്തിനു കഴിഞ്ഞു.
മിക്ക ചിത്രങ്ങളിലും സ്വഭാവ നടന്‍റെ റോളിലാണ് സൈജു തിളങ്ങിയത്. ഇപ്പോഴിതാ, തനിക്ക് നായകവേഷം തന്നെ വേണമെന്നില്ലെന്ന് തുറന്നുപറയുകയാണ് താരം. സ്വഭാവ നടന്‍റേതാണ് തന്‍റെ ഇടമെന്നും അവിടെ വേറിട്ട കഥാപാത്രം ചെയ്യാന്‍ കഴിയുമെന്നും സൈജു പറയുന്നു.
"വ്യത്യസ്തമായ കഥാപാത്രങ്ങള്‍ ഈ പ്രായത്തില്‍തന്നെ ചെയ്യാന്‍ സാധിച്ചു. നായകവേഷം മാത്രം ചെയ്യണമെന്ന ആഗ്രഹമില്ല. വര്‍ഷത്തില്‍ ഒന്നോ രണ്ടോ നായകവേഷം. കോമഡി ചെയ്യാന്‍ ബുദ്ധിമുട്ടുണ്ട്. ഒരു പരിധിക്ക് അപ്പുറത്തേക്ക് കടക്കുന്ന പ്രതിനായക വേഷത്തോട് ഒട്ടും താത്പര്യമില്ല..'- സൈജു കുറുപ്പ് പറയുന്നു.
