സമൂഹവും കുടുംബവും അടിച്ചേല്പിക്കുന്ന ദുരന്തങ്ങൾക്കു നടുവിൽ അകപ്പെട്ടുപോകുന്ന വിനോദ് എന്ന പ്ലസ്ടു വിദ്യാർഥിയുടെ പോരാട്ടങ്ങളുടെ ത്രസിപ്പിക്കുന്ന കഥ പറയുകയാണ് ‘ദിശ’. അവന്‍റെ പോരാട്ടവഴികളിൽ താങ്ങും തണലുമായി എന്നും അവന്‍റെ അമ്മ ഒപ്പമുണ്ട്.
വിനോദിനെ നവാഗതനായ ജെ.ജെ. അക്ഷയ് അവതരിപ്പിക്കുന്പോൾ, അമ്മ വിലാസിനിയെ അവതരിപ്പിക്കുന്നത് നീനാകുറപ്പാണ്. ഒരിടവേളയ്ക്കുശേഷം നീനാകുറുപ്പ് അവതരിപ്പിക്കുന്ന മുഴുനീള കഥാപാത്രമാണ് വിലാസിനി.
വി.സി. ജോസ് രചന നിർവഹിച്ച് സംവിധാനം ചെയ്യുന്ന ചിത്രം നിർമിക്കുന്നത് അനശ്വര ഫിലിംസിന്‍റെ ബാനറിൽ സി. റസൽ ആണ്.
തുന്പിനന്ദന, പൂജപ്പുര രാധാകൃഷ്ണൻ, കൃഷ്ണൻ ബാലകൃഷ്ണൻ, ബാലു നാരായണൻ, ദേവൻ നെല്ലിമൂട്, ശ്യാം, വി. നരേന്ദ്രമോഹൻ, ജയചന്ദ്രൻ. കെ, മേജർ വി.കെ. സതീഷ്കുമാർ, അരുണ്‍ മോഹൻ, മായാ സുകു എന്നിവരും മറ്റു കഥാപാത്രങ്ങളെ അവതരിപ്പിക്കുന്നു.
