വിഴിഞ്ഞം: ബൈക്കുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റ പോലീസുകാരൻ മരിച്ചു. ഗുരുതര പരിക്കോടെ ഒരാളെ ആശുപത്രിയിൽ പ്രവേശിപ്പിച്ചു. ഇടുക്കി മറയൂർ പോലീസ് സ്റ്റേഷനിലെ സിപിഒയും കാഞ്ഞിരംകുളം നെല്ലിക്കാക്കുഴി മുഴക്കോൽ കുന്ന് വീട്ടിൽ കുട്ടപ്പന്റെ മകൻ സന്തോഷ് കുമാർ (36) ആണ് മരിച്ചത്. ഇടിയുടെ ആഘാതത്തിൽ തെറിച്ചുവീണ് ഗുരുതര പരിക്കേറ്റ കഴിവൂർ സ്വദേശി ബിജിനെ (24) മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.