ദൃശ്യം 2ലെ അൻസിബയുടെ അഭിനയത്തെ അഭിനന്ദിച്ച് ജയിൽ ഡിജിപി ഋഷിരാജ് സിംഗ്. തന്നെ അറസ്റ്റ് ചെയ്യുമെന്ന പേടിയോടെ കഴിയുന്ന കഥാപാത്രമായുള്ള അൻസിബയുടെ അഭിനയത്തെയാണ് ഋഷിരാജ് അഭിനന്ദിച്ചിരിക്കുന്നത്. ചിത്രത്തിൽ ഒരിക്കലും ചിരിക്കാത്ത കാര്യം ശ്രദ്ധിച്ചോ എന്നും ഋഷിരാജ് ചോദിക്കുന്നു. ഋഷിരാജിന്‍റെ അഭിനന്ദന സന്ദേശം അൻസിബ സോഷ്യൽ മീഡിയയിൽ പങ്കുവച്ചിട്ടുണ്ട്.
തനിക്ക് ഇങ്ങനെ അഭിനന്ദനം ലഭിക്കാൻ കാരണക്കാരായ ജീത്തു ജോസഫിനും മോഹൻലാലിനും നിർമാതാവ് ആന്‍റണി പെരുന്പാവൂരിനും താരം നന്ദിയും പറഞ്ഞിട്ടുണ്ട്. അപസ്മാര രോഗിയായിട്ടുള്ള അൻസിബയുടെ അഭിനയം ഏറെ പ്രശംസപിടിച്ചുപറ്റിയിരുന്നു. പല ഡോക്ടർമാരുമായി സംസാരിച്ചാണ് താൻ ആ കഥാപാത്രം അവതരിപ്പിച്ചതെന്ന് അൻസിബ പറഞ്ഞിരുന്നു. ചിത്രത്തിൻ മോഹൻലാലിന്‍റെ കഥാപാത്രമായ ജോർജ്ജുകുട്ടിയുടെയും മീന അവതരിപ്പിച്ച ആനിയുടെ മൂത്തമകളായ അഞ്ജുവെന്ന കഥപാത്രത്തെയാണ് അൻസിബ അവതരിപ്പിച്ചത്.
