ബോളിവുഡ് സൂപ്പർനടി സണ്ണി ലിയോണി മലയാളത്തിൽ നായികയായി എത്തുന്നു. ഷീറോ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് കുട്ടനാടൻ മാർപാപ്പ എന്ന ചിത്രത്തിലൂടെ ശ്രദ്ധേയനായ ശ്രീജിത്ത് വിജയനാണ്.
ചിത്രത്തിന്‍റെ ടൈറ്റിൽ പ്രകാശനം വെള്ളിയാഴ്ച കൊച്ചിയിൽ നടന്നു. അണിയറപ്രവർത്തകർക്കൊപ്പം സണ്ണി ലിയോണിയും ചടങ്ങിൽ പങ്കെടുത്തു. ചിത്രത്തിന്‍റെ ഫസ്റ്റ്ലുക്ക് പോസ്റ്ററും പുറത്തിറക്കി. ഇക്കിഗായ് മൂവീസിന്‍റെ ബാനറിൽ അൻസാരി നെക്സ്റ്റൽ, രവികിരൺ എന്നിവർ ചേർന്നാണ് ചിത്രം നിർമിക്കുന്നത്.
സൈക്കോളജിക്കൽ ത്രില്ലർ ഗണത്തിലുള്ള ബിഗ് ബജറ്റ് ചിത്രമായ ഷീറോ മലയാളത്തിനു പുറമേ മറ്റു തെന്നിന്ത്യൻ ഭാഷകളിലും ഒരുങ്ങുന്നുണ്ട്.
