നടനായും സംവിധായകനായും തിരക്കഥാകൃത്തായും തിളങ്ങുന്ന താരമാണ് ലാൽ. മകൻ ജീൻ പോളിനൊപ്പം അദ്ദേഹം സംവിധാനം ചെയ്ത സുനാമി റിലീസിനൊരുങ്ങവേ സംവിധായകൻ ഫാസിലിനെക്കുറിച്ച് ലാൽ പറഞ്ഞ വാക്കുകൾ ശ്രദ്ധേയമാകുകയാണ്.
സുനാമിയുടെ തിരക്കഥ പകുതിയായപ്പോൾ ഇത് എഴുതി തീർക്കാൻ പറ്റുമെന്ന് തനിക്കു സംശയം തോന്നിയെന്ന് ലാൽ പറഞ്ഞു. ഇന്നസെന്റിനോട് ഇക്കാര്യം പറഞ്ഞപ്പോൾ അയ്യോ അതൊക്കെ സിനിമയാക്കാൻ പറ്റുമോടായെന്നായിരുന്നു അദ്ദേഹം ചോദിച്ചതെന്നും ലാൽ കൂട്ടിച്ചേർത്തു.
"ഈ കഥയൊരു വെല്ലുവിളിയാണ്. ഏത് കഥ സിനിമയാക്കിയാലും അതിലൊരു പുതുമയുണ്ടാകണമെന്ന് ഞങ്ങളെ പഠിപ്പിച്ചത് ഫാസിൽ സാറാണ്. മിനിമം ഗ്യാരന്റിയെന്ന് പറഞ്ഞ് ഒരു പടമെടുത്തിട്ട് കാര്യമില്ല. എന്റെ സിനിമകൾ ശ്രദ്ധിച്ചാലറിയാം, ഒന്നുകിൽ സൂപ്പർ ഡ്യൂപ്പർ ഹിറ്റായിരിക്കും അല്ലെങ്കിൽ സൂപ്പർ ഫ്ളോപ്പായിരിക്കും..'- ലാൽ പറയുന്നു.