ന്യൂമോണിയ ബാധയെത്തുടർന്ന് നടനും ബിജെപിയുടെ തൃശൂർ സ്ഥാനാർഥിയുമായ സുരേഷ് ഗോപിയെ ആശുപത്രിയില് പ്രവേശിപ്പിച്ചു. ജോഷി സംവിധാനം ചെയ്യുന്ന പാപ്പന് എന്ന സിനിമയുടെ ചിത്രീകരണത്തിനിടെയാണ് നടനെ ആശുപത്രിയില് പ്രവേശിപ്പിച്ചത്. നാല് ദിവസമായി അദ്ദേഹം കൊച്ചിയിലെ സ്വകാര്യ ആശുപത്രിയില് ചികില്സയിലാണ്.
സുരേഷ് ഗോപിയുടെ ആരോഗ്യനില തൃപ്തികരമാണെന്നും തിങ്കളാഴ്ച ആശുപത്രിയില് നിന്നും ഡിസ്ചാര്ജ്ജ് ചെയ്യുമെന്നാണ് റിപ്പോർട്ട്. നിയമസഭാ തെരഞ്ഞെടുപ്പിൽ തൃശൂർ ബിജെപി സ്ഥാനാർഥിയാണ് സുരേഷ് ഗോപി.
കാവല്, ഒറ്റക്കൊമ്പന്, പാപ്പന് തുടങ്ങിയവയെല്ലാം താരത്തിന്റേതായി വരാനിരിക്കുന്ന ചിത്രങ്ങളാണ്. ജോഷി ചിത്രമായ പാപ്പനാണ് നടന്റേതായി ഷൂട്ടിംഗ് പുരോഗമിക്കുന്നത്. വര്ഷങ്ങള്ക്ക് ശേഷം സുരേഷ് ഗോപിയും സംവിധായകന് ജോഷിയും വീണ്ടുമൊന്നിക്കുന്ന ചിത്രം കൂടിയാണിത്.
നവാഗതനായ മാത്യൂ തോമസ് സംവിധാനം ചെയ്യുന്ന ചിത്രമാണ് ഒറ്റക്കൊമ്പന്.നിതിന് രണ്ജി പണിക്കര് സംവിധാനം ചെയ്യുന്ന കാവല് എന്ന സുരേഷ് ഗോപി ചിത്രത്തിന്റെ ഷൂട്ടിംഗ് അടുത്തിടെയാണ് പൂര്ത്തിയായത്.