സിദ്ധാർഥ് ഭരതൻ സംവിധാനം ചെയ്യുന്ന. ചതുരം എന്ന ചിത്രത്തിന്‍റെ ചിത്രീകരണം മുണ്ടക്കയത്തെ കൂട്ടിക്കലിൽ ആരംഭിച്ചു. നിർമ്മാണ പ്രവർത്തനങ്ങൾ പൂർത്തിയായ 'ജിന്ന് ' എന്ന ചിത്രത്തിനുശേഷം സിദ്ധാർഥ് ഭരതൻ സംവിധാനം ചെയ്യുന്ന ചിത്രം കൂടിയാണിത്.
സിദ്ധാർത്ഥ് ഭരതനും വിനോയ് തോമസും ചേർന്നാണ് ഈ ചിത്രത്തിന്‍റെ തിരക്കഥ രചിക്കുന്നത്. ഗ്രീൻവിച്ച് എന്‍റർ‌ടെയ്ൻമെന്‍റ്സ് ആൻഡ് യെല്ലോ ബേർഡ് പ്രൊഡക്ഷൻസിന്‍റെ ബാനറിൽ വിനീത അജിത്, ജോർജ് സാന്‍റിയാഗോ, ജമീഷ് തയ്യിൽ, സിദ്ധാർഥ് ഭരതൻ എന്നിവർ ചേർന്നാണ് ഈ ചിത്രം നിർമ്മിക്കുന്നത്.
യുവനിരയിലെ ശ്രദ്ധേയനായ റോഷൻ മാത്യുവാണ് ഈ ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. സാസ്വികാ വിജയൻ, ലിയോണ ലിഷോയ്, ശാന്തി ബാലചന്ദ്രൻ, അലൻസിയർ, നിഷാന്ത് സാഗർ, കെപിഎസി ലളിത, ജാഫർ ഇടുക്കി എന്നിവരും പ്രധാന താരങ്ങളാണ്.
