ഹരീഷ് പേരടിയെ നായകനാക്കി നവാഗതനായ അഖിൽ കാവുങ്ങൽ തിരക്കഥ എഴുതി സംവിധാനം ചെയ്ത ഐസ് ഒരതി എന്ന ചിത്രം വെള്ളിയാഴ്ച പ്രൈം റീൽസ് ഒടിടി പ്ലാറ്റ്ഫോമിലൂടെ റിലീസ് ചെയ്തു.
ലോകത്തിന്റെ മാറ്റം അറിയാതെ ആഗ്രഹങ്ങൾ ഉള്ളിലൊതുക്കി ജീവിക്കേണ്ടി വരുന്ന കുഞ്ഞുണ്ണിയുടെ കാഴ്ചപ്പാടുകളും മാറ്റങ്ങളുമാണ് ചിത്രം പറയുന്നത്. ഹരീഷ് പേരടിയെക്കൂടാതെ നിർമൽ പാലാഴി, ബിനു പപ്പു, സാവിത്രി ശ്രീധരൻ, ബാലചന്ദ്രൻ ചുള്ളിക്കാട്, പ്രദീപ് ബാലൻ, ആശ അരവിന്ദ്, നീരജ, ജോർജ് വർഗീസ്, വിജയലക്ഷ്മി എന്നിവരും ചിത്രത്തിൽ വേഷമിടുന്നു.
ബോധിക്കൂൾ എന്റർടെൻമെന്റ്സിന്റെയും പുനത്തിൽ പ്രൊഡക്ഷൻസിന്റെയും ബാനറിൽ കെ.ആർ. ഗിരീഷ്, നൗഫൽ പുനത്തിൽ എന്നിവർ ചേർന്നാണ് ചിത്രം നിർമിക്കുന്നത്.
രാഹുൽ സി. വിമല ഛായാഗ്രഹണവും രാകേഷ് അശോക ചിത്രസംയോജനവും നിർവഹിക്കുന്നു. സന്തോഷ് വർമയുടെ വരികൾക്ക് ഗിരീഷൻ. എ. സി. ഈണംപകരുന്നു.
പ്രൈം റീൽസ് മൊബൈൽ ആപ്പ് ഇൻസ്റ്റാൾ ചെയ്യാൻ
ഇവിടെ ക്ലിക്ക് ചെയ്യുക