തിരുവനന്തപുരം: മാലിന്യശേഖരണം നടത്തുന്ന ഹരിതകർമസേനാംഗങ്ങൾക്ക് വേതനം തദ്ദേശ സ്ഥാപനങ്ങളുടെ തനതു ഫണ്ടിൽനിന്നു വകയിരുത്തി നൽകാമെന്നു മന്ത്രി എം.വി. ഗോവിന്ദനുവേണ്ടി മന്ത്രി പി. രാജീവ് നിയമസഭയിൽ പറഞ്ഞു.
പ്രതിദിനം 750 രൂപ ഇവർക്ക് വേതനമായി നിശ്ചയിച്ചിട്ടുണ്ട്. ഗ്രാമപ്രദേശങ്ങളിൽ 50 രൂപയും നഗരങ്ങളിൽ 70 രൂപയും പ്രതിമാസം വീട്ടുടമസ്ഥർ യൂസർ ഫീസായി നൽകണം. ഹരിത കർമസേനാംഗങ്ങളുടെ ആരോഗ്യസുരക്ഷാ പദ്ധതി സർക്കാർ അംഗീകരിച്ചിട്ടുണ്ട്.
കുടുംബശ്രീ മിഷനും സേനാംഗങ്ങളും 345 രൂപ വീതം പ്രീമിയം അടയ്ക്കണം. 50 വയസ് വരെയുള്ളവർക്ക് രണ്ട് ലക്ഷവും 50നും 60 നുമിടയിലുള്ളവർക്ക് ഒരു ലക്ഷവും ഇൻഷ്വറൻസ് പരിരക്ഷയുണ്ടാകും. കോവിഡ് ബാധിച്ചു മരിച്ചാൽ 5 ലക്ഷം നൽകാനുള്ള കുടുംബശ്രീ മിഷന്റെ ശിപാർശ പരിഗണനയിലാണ്.
പ്രതിദിനം 750 രൂപ ഇവർക്ക് വേതനമായി നിശ്ചയിച്ചിട്ടുണ്ട്. ഗ്രാമപ്രദേശങ്ങളിൽ 50 രൂപയും നഗരങ്ങളിൽ 70 രൂപയും പ്രതിമാസം വീട്ടുടമസ്ഥർ യൂസർ ഫീസായി നൽകണം. ഹരിത കർമസേനാംഗങ്ങളുടെ ആരോഗ്യസുരക്ഷാ പദ്ധതി സർക്കാർ അംഗീകരിച്ചിട്ടുണ്ട്.
കുടുംബശ്രീ മിഷനും സേനാംഗങ്ങളും 345 രൂപ വീതം പ്രീമിയം അടയ്ക്കണം. 50 വയസ് വരെയുള്ളവർക്ക് രണ്ട് ലക്ഷവും 50നും 60 നുമിടയിലുള്ളവർക്ക് ഒരു ലക്ഷവും ഇൻഷ്വറൻസ് പരിരക്ഷയുണ്ടാകും. കോവിഡ് ബാധിച്ചു മരിച്ചാൽ 5 ലക്ഷം നൽകാനുള്ള കുടുംബശ്രീ മിഷന്റെ ശിപാർശ പരിഗണനയിലാണ്.