പോത്തന്കോട്: ചുമട്ടുതൊഴിലാളികള് കെട്ടിടനിര്മാണ കരാറുകാരനെ മര്ദിച്ച സംഭവത്തില് തൊഴിലാളി കാര്ഡുള്ള എട്ട് പേര്ക്ക് പങ്കെന്ന് തൊഴില് വകുപ്പ് റിപ്പോർട്ട്. ഇവരുടെ തൊഴിലാളി കാര്ഡ് സസ്പെന്ഡ് ചെയ്യാന് ഡെപ്യൂട്ടി ലേബര് ഓഫീസര്ക്ക് നിര്ദേശം നല്കിയതായി തിരുവനന്തപുരം ജില്ലാ ലേബര് ഓഫീസര് അറിയിച്ചു.
വ്യാഴാഴ്ചയാണ് പോത്തന്കോട്ട് വീടുനിര്മാണം നടത്തിക്കൊണ്ടിരിക്കെ ചുമട്ടുതൊഴിലാളികള് സംഘടിതമായെത്തി പണി തടസപ്പെടുത്താന് ശ്രമിച്ചത്.
കരാറുകാരന് മണികണ്ഠന് മര്ദനമേല്ക്കുകയും ചെയ്തു. തൊഴിലാളികള് നോക്കുകൂലി ആവശ്യപ്പെട്ടെത്തി മര്ദിക്കുകയായിരുന്നു എന്ന് മണികണ്ഠന് പോലീസില് പരാതി നല്കി. ഇതേത്തുടര്ന്നു സിഐടിയു, ഐഎന്ടിയുസി യൂണിയനുകളില്പ്പെട്ട അഞ്ച് തൊഴിലാളികളെ പോത്തന്കോട് പോലീസ് അറസ്റ്റ് ചെയ്തിരുന്നു. ഇതിനു പിന്നാലെയാണു തൊഴില് മന്ത്രി വി. ശിവന്കുട്ടിയുടെ നിര്ദേശ പ്രകാരമാണു തൊഴില് വകുപ്പും വിഷയത്തില് ഇടപെട്ടത്.