മോഹൻലാലിനൊപ്പം ബിഗ്ബി അമിതാഭ് ബച്ചനും അഭിനയിച്ച ചിത്രമാണ് കാണ്ഡഹാർ. ചിത്രത്തിലെ താരത്തിന്റെ വേഷം ഏറെ ശ്രദ്ധ നേടിയിരുന്നു. ഇപ്പോൾ ആ ചിത്രത്തിന്റെ ലൊക്കേഷനിലെ ഏതാനും കാര്യങ്ങൾ വെളിപ്പെടുത്തുകയാണ് സംവിധായകൻ മേജർ രവി.
ഊട്ടിയിലെ ലൊക്കേഷനിലേക്ക് വരുമ്പോള് അമിതാഭ് ബച്ചനൊപ്പം മുംബൈയില് നിന്ന് അദ്ദേഹത്തിന്റെ കാരവാനും കോസ്റ്റ്യൂമറും ബോര്ഡി ഗാര്ഡ്സും ഉള്പ്പെടെ വന് ടീം ഉണ്ടായിരുന്നു. ബിഗ്ബി തന്റെ സ്വന്തം കോസ്റ്റ്യൂം അണിഞ്ഞാണ് ആ ചിത്രത്തില് അഭിനയിച്ചതെന്നും അതിനു പോലും തങ്ങള്ക്ക് പണം ചെലവാക്കേണ്ടി വന്നില്ലെന്നും മേജർ രവി പറഞ്ഞു.
"മൂന്ന് ദിവസം കൊണ്ട് നാല് സീന് ആണ് അദ്ദേഹത്തെ വച്ച് ഞങ്ങള് പ്ലാന് ചെയ്തത്. ഷൂട്ടിംഗ് തുടങ്ങുന്നതിന്റെ തലേദിവസം ഞാന് അദ്ദേഹത്തിന്റെ മുറിയില് ചെന്നു. ഊട്ടിയില് നല്ല തണുപ്പുളള കാലത്തായിരുന്നു ചിത്രീകരണം. അടുത്ത ദിവസം എത്ര മണിക്കാണ് ഷൂട്ടിംഗ് പ്ലാന് ചെയ്യേണ്ടതെന്ന് ഞാന് അദ്ദേഹത്തോട് ചോദിച്ചു. അത് ഞാനല്ല ഡയറക്ടറാണ് പ്ലാന് ചെയ്യേണ്ടത് എന്നായിരുന്നു അദ്ദേഹത്തിന്റെ മറുപടി...'- മേജർ രവി പറയുന്നു..