കൊച്ചി: ലിഫ്റ്റ് ഓപ്പറേറ്റര്മാര്ക്ക് ഡ്യൂട്ടിക്കു പോകാന് ലോക്ഡൗണ് കാലത്ത് യാത്രാ ഇളവു നല്കണമെന്ന ഹര്ജി ഹൈക്കോടതി ഇന്നു പരിഗണിക്കാന് മാറ്റി. കേരള എലിവേറ്റേഴ്സ് മാനുഫാക്ച്വര് അസോസിയേഷന് നല്കിയ ഹര്ജി ഇന്നലെ ജസ്റ്റീസ് എന്. നഗരേഷിന്റെ ബെഞ്ചാണ് പരിഗണിച്ചത്. സര്ക്കാര്, സ്വകാര്യ ആശുപത്രികളില് ഡ്യൂട്ടിക്കു പോകുന്ന ലിഫ്റ്റ് ഓപ്പറേറ്റര്മാര്ക്ക് യാത്രാ ഇളവു നല്കുമെന്നും തിരിച്ചറിയല് കാര്ഡ് കാണിച്ച് ഇവര്ക്ക് യാത്ര ചെയ്യാമെന്നും നേരത്തെ ഹര്ജി പരിഗണിച്ചപ്പോള് സര്ക്കാര് അറിയിച്ചിരുന്നു.