നെടുമ്പാശേരി: സാങ്കേതിക തകരാറിനെത്തുടർന്ന് റിയാദിൽ നിന്ന് കരിപ്പൂരിലേക്ക് പോയ വിമാനം അടിയന്തരമായി നെടുമ്പാശേരിയിൽ ഇറക്കി. എയർ ഇന്ത്യ എക്സ്പ്രസിന്‍റെ ഐ എക്സ് 1322-ാം നമ്പർ വിമാനം ഇന്നലെ പുലർച്ചെയ്ക്ക് 3.25 നാണ് നെടുമ്പാശേരിയിൽ എത്തിയത് . ഇതിലെ 150 യാത്രക്കാരെയും സുരക്ഷിതമായി താഴെയിറക്കി. വിമാനത്തിന്‍റെ ടയർ പൊട്ടിയിരുന്നു. ഈ വിമാനം സർവീസിന് യോഗ്യമല്ലാത്തതിനാൽ മറ്റൊരു വിമാനം ക്രമീകരിച്ച് രാവിലെ ഒമ്പതിനാണ് യാത്രക്കാരെ കയറ്റിവിട്ടത്.
