കിഴക്കമ്പലം: കുന്നത്തുനാട് നിയോജക മണ്ഡലം സീറ്റ് സിപിഎം വിറ്റെന്ന് ആരോപിച്ച് പോസ്റ്ററുകൾ. 30 കോടി രൂപയ്ക്ക് സീറ്റ് വിറ്റതായാണ് പോസ്റ്ററിലെ ആക്ഷേപം. സിപിഎം സെക്രട്ടറിയേറ്റാണോ, സെക്രട്ടേറിയാണോ സീറ്റ് കച്ചവടം നടത്തിയതെന്നും പോസ്റ്റർ ചോദിക്കുന്നു. സേവ് സിപിഎം ഫോറം എന്ന അടിക്കുറിപ്പോടെയാണ് മണ്ഡലത്തിൽ പോസ്റ്റർ പ്രത്യക്ഷപ്പെട്ടിട്ടുള്ളത്. സിപിഎം സ്ഥാനാർഥിയായി ജില്ലാ സ്പോർട്സ് കൗൺസിൽ പ്രസിഡന്റ് പി.വി. ശ്രീനിജനെയാണ് ഇവിടെ തീരുമാനിച്ചിട്ടുള്ളത്.