കുഞ്ചാക്കോ ബോബനെ നായകനാക്കി മിഥുന് മാനുവല് ഒരുക്കിയ അഞ്ചാം പാതിരയ്ക്ക് രണ്ടാം ഭാഗമൊരുങ്ങുന്നു. സിനിമ പുറത്തിറങ്ങി ഒരു വര്ഷം പൂര്ത്തിയാകുന്ന വേളയിലാണ് കുഞ്ചാക്കോ ബോബനും മിഥുന് മാനുവലും ഈ സന്തോഷവാര്ത്ത ആരാധകരുമായി പങ്കുവച്ചത്.
ആറാംപാതിര എന്നാണ് സിനിമയുടെ പേര്. അന്വര് ഹുസൈന് എന്ന ക്രിമിനോളജിസ്റ്റിന്റെ കഥാപാത്രത്തെയാണ് സിനിമയില് കുഞ്ചാക്കോ ബോബന് അവതരിപ്പിക്കുന്നത്.
സിനിമയുടെ തിരക്കഥ പൂര്ത്തിയായെന്നും മറ്റ് ജോലികള് നടക്കുകയാണെന്നും സംവിധായകന് അറിയിച്ചു. അഞ്ചാം പാതിരയുടെ തുടര്ച്ചയാകില്ല ആറാം പാതിരയെന്നും മറ്റൊരു കേസന്വേഷണത്തെ ചുറ്റിപ്പറ്റിയാണ് സിനിമ മുന്പോട്ടു പോകുകയെന്നും മിഥുന് മാനുവല് വ്യക്തമാക്കി.