കൊച്ചി: ജനകീയ സമരങ്ങളെ പോലീസിനെ ഉപയോഗിച്ച് അടിച്ചമര്‍ത്തുന്ന രീതി ലക്ഷദ്വീപ് ഭരണകൂടം അവസാനിപ്പിക്കണമെന്ന് ബിനോയ് വിശ്വം എംപി. കില്‍ത്തന്‍ ദ്വീപ് പ്രൈമറി ഹെല്‍ത്ത് സെന്‍ററില്‍ ലേഡി ഡോക്ടറെ നിയമിക്കണമെന്ന ആവശ്യം മുന്‍നിര്‍ത്തിയാണ് സിപിഐ അവിടെ സമരം നടത്തുന്നത്. സമാധാനപരമായി നടത്തിയ ഈ സമരത്തിനു നേരെയാണ് പോലീസിന്‍റെ ക്രൂരമായ ലാത്തിച്ചാര്‍ജ്. സമരക്കാര്‍ക്കെതിരെ പോലീസ് കേസ് രജിസ്റ്റര്‍ ചെയ്തിരിക്കുകയാണ്. ഈ നടപടി ജനാധിപത്യവിരുദ്ധവും പ്രതിഷേധാര്‍ഹവുമാണെന്ന് ബിനോയ് വിശ്വം പറഞ്ഞു.
