തിരുവനന്തപുരം: കേൾവി പരിമിതി നേരിടുന്ന ആയിരം പേര്ക്ക് ഈ വര്ഷം ഇയര്മോള്ഡോട് കൂടിയ ഡിജിറ്റല് ഹിയറിംഗ് എയ്ഡുകള് വിതരണം ചെയ്യുന്ന വികലാംഗക്ഷേമ കോര്പറേഷന്റെ ’ശ്രവണ്’ പദ്ധതിയുടെ സംസ്ഥാനതല ഉദ്ഘാടനം നവംബര് ഒന്നിന് 11.45ന് ഓണ്ലൈന് വഴി ആരോഗ്യ മന്ത്രി കെ.കെ. ശൈലജ നിര്വഹിക്കും. ശ്രവണ സഹായികള്ക്കായി നിരവധി അപേക്ഷകള് ലഭിച്ചുകൊണ്ടിരിക്കുന്ന സാഹചര്യത്തിലാണ് അടിയന്തിരമായി 1000 പേര്ക്ക് ഗുണനിലവാരമുള്ള ഡിജിറ്റല് ശ്രവണ സഹായികള് ഇയര്മോള്ഡോഡു കൂടി വിതരണം ചെയ്യാന് തീരുമാനിച്ചതെന്ന് മന്ത്രി പറഞ്ഞു.