ചുരുക്കം ചിത്രങ്ങൾ കൊണ്ടുതന്നെ തെന്നിന്ത്യയിൽ ശ്രദ്ധേയയായ ഗുജറാത്തി നടിയാണ് മൊണാൽ ഗജ്ജാർ. 2013ൽ വിനയൻ സംവിധാനം ചെയ്ത ഡ്രാക്കുള എന്ന ചിത്രത്തിലൂടെ മലയാളത്തിലും നടി അരങ്ങേറ്റം കുറിച്ചു.
ഇപ്പോൾ തന്റെ പ്രണയനഷ്ടത്തെക്കുറിച്ച് തുറന്നുപറഞ്ഞിരിക്കുകയാണ് താരം. മലയാളത്തിലെ ഒരു നടനുമായി തനിക്ക് സീരിയസായിട്ടുള്ള ഇഷ്ടം ഉണ്ടായിരുന്നുവെന്നും മൊണാൽ വെളിപ്പെടുത്തി.
എന്നാൽ ഉദ്ദേശിച്ചതു പോലെ കാര്യങ്ങൾ നല്ല രീതിക്ക് വന്നില്ല. ഇതോടെ ബന്ധം വേർപിരിയേണ്ടി വന്നുവെന്നും ആ ബ്രേക്കപ്പ് കാരണമാണ് താൻ തെന്നിന്ത്യയിൽ അഭിനയിക്കുന്നത് നിർത്തിയതെന്നും നടി പറഞ്ഞു. ഇപ്പോൾ ഗുജറാത്തി സിനിമയിലാണ് മൊണാൽ സജീവമായി അഭിനയിക്കുന്നത്.