കൊച്ചി: ക്രൈസ്തവ സമൂഹം ആദരവോടെ വീക്ഷിക്കുന്ന വിശുദ്ധ കുരിശിന്‍റെ പ്രതീകങ്ങളെ പരസ്യമായി അപമാനിക്കുകയും അവഹേളിക്കുകയും ചെയ്യുന്ന സംഭവങ്ങളെക്കുറിച്ച് സര്‍ക്കാരും സഭാ നേതൃത്വവും ഗൗരവമായി അന്വേഷണം നടത്തണമെന്നു കെസിബിസി പ്രൊലൈഫ് സമിതി ആവശ്യപ്പെട്ടു. സ്വന്തം വിശ്വാസങ്ങളെ ആദരിക്കുന്നതുപോലെ ഇതര വിശ്വാസാചരങ്ങളെയും ആദരിക്കാന്‍ കഴിയുന്ന സംസ്‌കാരമാണ് കേരളത്തിലുള്ളത്. നിലനില്‍ക്കുന്ന മത സാമുദായിക സമാധാനം നഷ്ടപ്പെടാതെ സംരക്ഷിക്കാന്‍ ജാഗ്രത ആവശ്യമാണെന്നും സമിതി പ്രസിഡന്‍റ് സാബു ജോസ് പ്രസ്താവിച്ചു.
