ജോജു ജോർജ് നായകനാകുന്ന പുതിയ ചിത്രമായ മധുരത്തിന്റെ ടൈറ്റിൽ പോസ്റ്റർ പുറത്തിറങ്ങി. ജൂൺ എന്ന ചിത്രത്തിനു ശേഷം അഹമ്മദ് കബീർ സംവിധാനം ചെയ്യുന്ന മധുരത്തിൽ ജോജുവിനൊപ്പം അർജുൻ അശോകൻ, ഇന്ദ്രൻസ്, നിഖില വിമൽ, ശ്രുതി രാമചന്ദ്രൻ എന്നിവരും പ്രധാന വേഷങ്ങളിലെത്തും.
ആഷിക് അമീർ, ഫാഹിം സഫർ എന്നിവർ ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. വിനായക് ശശികുമാറിന്റ വരികൾക്ക് ഹിഷാം അബ്ദുൾ വഹാബ് സംഗീതം പകരുന്നു.
ജോസഫ്, പൊറിഞ്ചു മറിയം ജോസ്, ചോല എന്നീ സൂപ്പർ ഹിറ്റ് ചിത്രങ്ങൾക്ക് ശേഷം അപ്പു പാത്തു പപ്പു പ്രൊഡക്ഷന്റെ ബാനറിൽ ജോജു ജോർജ് , സിജോ വടക്കൻ എന്നിവർ ചേർന്നാണ് മധുരം നിർമിക്കുന്നത്.
ചിത്രത്തിന്റെ ഷൂട്ടിംഗ് എറണാകുളത്തും പരിസര പ്രദേശങ്ങളിലുമായി ആരംഭിച്ചു. കോട്ടയവും ഫോർട്ട് കൊച്ചിയുമാണ് മറ്റ് ലൊക്കേഷനുകൾ.