തിരുവനന്തപുരം: മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിന്റെ അറസ്റ്റ് തടയാന് സംസ്ഥാന സര്ക്കാര് ശ്രമിക്കുന്നുവെന്ന് ഒരു മാധ്യമത്തില് വന്ന വാര്ത്ത അടിസ്ഥാനരഹിതമാണെന്നു മുഖ്യമന്ത്രി പിണറായി വിജയന്. സ്വര്ണക്കടത്തുമായി ബന്ധപ്പെട്ട കേസ് അന്വേഷണത്തില് തുടക്കം മുതല് എല്ലാ സഹകരണവും സംസ്ഥാന സര്ക്കാര് നല്കുന്നുണ്ട്. ഇക്കാര്യത്തില് മൂന്ന് അന്വേഷണ ഏജന്സികളും ഇതുവരെ ഒരു പരാതിയും പറഞ്ഞിട്ടില്ല.
സ്വതന്ത്രവും നീതിപൂര്വവുമായ അന്വേഷണം നടത്തി കുറ്റവാളികളെ മുഴുവന് നിയമത്തിനു മുമ്പില് കൊണ്ടുവരണമെന്നതാണ് സര്ക്കാരിന്റെ താല്പര്യം. നയതന്ത്ര ബാഗേജ് വഴി നടന്ന ഈ കള്ളക്കടത്തിന്റെ വേരുകള് കണ്ടെത്തി മുഴുവന് കുറ്റവാളികളെയും കോടതിക്കു മുമ്പാകെ കൊണ്ടുവരുന്നതിനാണ് സമഗ്ര അന്വേഷണം ആവശ്യപ്പെട്ട് പ്രധാനമന്ത്രിക്ക് സംസ്ഥാനം കത്തെഴുതിയത്. അതനുസരിച്ചുള്ള അന്വേഷണം മുമ്പോട്ടു പോവുകയാണ്. ഈ കേസിന്റെ പേരില് പ്രതിപക്ഷവും ഒരു വിഭാഗം മാധ്യമങ്ങളും സര്ക്കാരിനെതിരെ ഉണ്ടാക്കുന്ന പുകമറ നീക്കുന്നതിനും അന്വേഷണം നല്ല നിലയില് പൂര്ത്തിയാക്കേണ്ടതുണ്ട്.
കുറ്റകൃത്യത്തില് പങ്കുണ്ടെന്നു സംശയിക്കുന്ന ആരെയും കസ്റ്റഡിയിലെടുക്കാനും ചോദ്യംചെയ്യാനും അറസ്റ്റ് ചെയ്യാനും കേന്ദ്ര ഏജന്സികള്ക്ക് അധികാരമുണ്ട്. നിയമപരമായി െ അതിനെ ആര്ക്കും തടയാനോ തടസപ്പെടുത്താനോ കഴിയില്ലെന്നും മുഖ്യമന്ത്രി കൂട്ടിച്ചേര്ത്തു.
സ്വതന്ത്രവും നീതിപൂര്വവുമായ അന്വേഷണം നടത്തി കുറ്റവാളികളെ മുഴുവന് നിയമത്തിനു മുമ്പില് കൊണ്ടുവരണമെന്നതാണ് സര്ക്കാരിന്റെ താല്പര്യം. നയതന്ത്ര ബാഗേജ് വഴി നടന്ന ഈ കള്ളക്കടത്തിന്റെ വേരുകള് കണ്ടെത്തി മുഴുവന് കുറ്റവാളികളെയും കോടതിക്കു മുമ്പാകെ കൊണ്ടുവരുന്നതിനാണ് സമഗ്ര അന്വേഷണം ആവശ്യപ്പെട്ട് പ്രധാനമന്ത്രിക്ക് സംസ്ഥാനം കത്തെഴുതിയത്. അതനുസരിച്ചുള്ള അന്വേഷണം മുമ്പോട്ടു പോവുകയാണ്. ഈ കേസിന്റെ പേരില് പ്രതിപക്ഷവും ഒരു വിഭാഗം മാധ്യമങ്ങളും സര്ക്കാരിനെതിരെ ഉണ്ടാക്കുന്ന പുകമറ നീക്കുന്നതിനും അന്വേഷണം നല്ല നിലയില് പൂര്ത്തിയാക്കേണ്ടതുണ്ട്.
കുറ്റകൃത്യത്തില് പങ്കുണ്ടെന്നു സംശയിക്കുന്ന ആരെയും കസ്റ്റഡിയിലെടുക്കാനും ചോദ്യംചെയ്യാനും അറസ്റ്റ് ചെയ്യാനും കേന്ദ്ര ഏജന്സികള്ക്ക് അധികാരമുണ്ട്. നിയമപരമായി െ അതിനെ ആര്ക്കും തടയാനോ തടസപ്പെടുത്താനോ കഴിയില്ലെന്നും മുഖ്യമന്ത്രി കൂട്ടിച്ചേര്ത്തു.