ഡെന്നീസ് ജോസഫിന്റെ സംവിധാനത്തില് മമ്മൂട്ടി നായകനായി 1988ല് പുറത്തിറങ്ങിയ മനു അങ്കിള് ഹിറ്റ് ചിത്രമായിരുന്നു. സിനിമയില് ലോതര് എന്ന കഥാപാത്രത്തെ അവതരിപ്പിച്ച കുര്യച്ചന് ചാക്കോയുമായുള്ള ഒരു അഭിമുഖം അടുത്തിടെ വൈറലായി മാറിയിരുന്നു. ഇതുമായി ബന്ധപ്പെട്ട ഒരു ട്രോളും സമൂഹമാധ്യമങ്ങളിൽ ഹിറ്റായി മാറിയിരുന്നു.
ചിത്രത്തിലെ കുട്ടിക്കഥാപാത്രങ്ങളെല്ലാം വളര്ന്ന് വലുതായെങ്കിലും ഇപ്പോഴും രൂപത്തിന് കോട്ടം തട്ടാത്ത ഒരാളുണ്ട്. സിനിമയിലെ നായകനായ മമ്മൂട്ടി. അദ്ദേഹം ഇപ്പോഴും എവര്ഗ്രീന് ലുക്കില് തന്നെയാണെന്നാണ് ആരാധകര് പറയുന്നത്.
സൈക്കിൾ ചവിട്ടാൻ അറിയുന്ന കുട്ടികളെ സിനിമയിലേക്ക് ആവശ്യമുണ്ടെന്ന പത്രപരസ്യം കണ്ടാണ് അച്ഛൻ തന്നെ കോട്ടയത്ത് അഭിമുഖത്തിന് കൊണ്ടുപോയതും താൻ സിനിമയുടെ ഭാഗമായി മാറിയതുമെന്നും കുര്യച്ചൻ പറയുന്നു.
മമ്മൂട്ടിക്ക് പുറമെ സുരേഷ് ഗോപിയും ചിത്രത്തില് പ്രധാനകഥാപാത്രത്തെ അവതരിപ്പിച്ചിരുന്നു. ജൂബിലി പ്രൊഡക്ഷൻസിന്റെ ബാനറിൽ ജോയ് തോമസ് ആണ് ചിത്രം നിർമിച്ചത്.