ചെറുതോണി: ഇടുക്കി പദ്ധതി പ്രദേശത്ത് ഇന്നലെ രാവിലെ ഏഴുവരെ വരെ 24 മണിക്കൂറിനിടെ 25 മില്ലിമീറ്റർ മഴലഭിച്ചു. ഇതോടെ ഈ മണ്സൂണിൽ ഇടുക്കി അണക്കെട്ടിന്റെ വൃഷ്ടിപ്രദേശത്തു ലഭിച്ചത് ആകെ 568 മില്ലിമീറ്റർ മഴയാണ്. അതേസമയം ഇതേ കാലയളവിൽ കഴിഞ്ഞവർഷം ലഭിച്ചത് 325.4 മില്ലിമീറ്റർ മഴയായിരുന്നു. അണക്കെട്ടിലെ ജലനിരപ്പ് മുൻ ദിവസത്തേക്കാൾ 0.42 അടികൂടി ഉയർന്ന് 2330.08 അടിയായി. ഇത് അണക്കെട്ടിലെ പരമാവധി സംഭരണശേഷിയുടെ 48.96 ശതമാനമാണ്. കഴിഞ്ഞ വർഷം ഇതേ ദിവസം 2303.86 അടിയിരുന്നു ജലനിരപ്പ്.