കൊച്ചി: ദേവസ്വം ബോര്ഡിന്റെ ഭൂമി കൃഷിക്കായി പാട്ടത്തിനു നല്കാന് ഇപ്പോള് തീരുമാനിച്ചിട്ടില്ലെന്നും ജീവനക്കാരുടെയും ക്ഷേത്രോപദേശക സമിതിയുടെയും സഹകരണത്തോടെ കൃഷി ചെയ്യാനാണ് നിശ്ചയിച്ചിട്ടുള്ളതെന്നും തിരുവിതാംകൂര് ദേവസ്വം ബോര്ഡ് ഹൈക്കോടതിയെ അറിയിച്ചു. ബോര്ഡിനു കീഴിലുള്ള ക്ഷേത്രങ്ങളിലെ വിളക്കുകളും പാത്രങ്ങളും ലേലം ചെയ്യുന്നതും ഭൂമി പാട്ടത്തിനു നല്കുന്നതും ചോദ്യം ചെയ്ത് ഹിന്ദു ഐക്യവേദി ജനറല് സെക്രട്ടറി ആര്.വി. ബാബു നല്കിയ ഹര്ജിയിലാണ് ഇക്കാര്യമറിയിച്ചത്.