തിരുവനന്തപുരം: പമ്പയിലെ മണൽക്കൊള്ളയ്ക്കു പിന്നിൽ വ്യവസായ മന്ത്രി ഇ.പി. ജയരാജനും കുടുംബവുമാണെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ. കോടികളുടെ അഴിമതിയാണു നടന്നിരിക്കുന്നത്. പ്രളയം വരുമെന്നും അതിനാൽ അവശിഷ്ടങ്ങൾ നീക്കം ചെയ്യണമെന്നു പറഞ്ഞ് ജനങ്ങളെ കബളിപ്പിച്ചാണു കണ്ണൂരിൽ ആദ്യം മണൽ കടത്താൻ ശ്രമിച്ചത്. തുടർന്നാണ് പന്പയിലെ മണൽ വാരാൻ ശ്രമം തുടങ്ങിയതെന്നും കെ. സുരേന്ദ്രൻ പറഞ്ഞു.