ബ്രഹ്മാണ്ഡ ചിത്രം മഹാഭാരതയിൽ തെലുങ്ക് താരം നാഗാർജുന പ്രധാനവേഷത്തിൽ അഭിനയിച്ചേക്കും. സിനിമയുടെ സംവിധായകൻ തന്നെ സമീപിച്ചതായും ചിത്രത്തിൽ കർണനായി അഭിനയിക്കാൻ ക്ഷണിച്ചതായും താരം തന്നെയാണ് ഇപ്പോൾ വെളിപ്പെടുത്തിയിരിക്കുന്നത്. ആയിരം കോടി രൂപ ബജറ്റിൽ നിർമിക്കുന്ന ചിത്രമാണ് മഹാഭാരത. മലയാളത്തിന്റെ സൂപ്പർതാരം മോഹൻലാൽ ചിത്രത്തിൽ ഭീമന്റെ വേഷത്തിലാണ് അഭിനയിക്കുന്നത്. എംടി വാസുദേവൻ നായരുടെ രണ്ടാമൂഴമാണ് മഹാഭാരത എന്ന ചിത്രമാകുന്നത്.
ചിത്രത്തിൽ കർണന്റെ വേഷം ചെയ്യാൻ നാഗാർജുനയെ ആലോചിക്കുന്നതായി അടുത്തിടെ വാർത്തകൾ സജീവമായിരുന്നു. എന്നാൽ ഇതുസംബന്ധിച്ച് ഒൗദ്യോഗിക വിശദീകരണം വന്നിട്ടില്ലായിരുന്നു. ഇതാദ്യമായിട്ടാണ് നാഗാർജുന തന്നെ ഇതുസംബന്ധിച്ച് വെളിപ്പെടുത്തൽ നടത്തിയിരിക്കുന്നത്. സംവിധായകൻ സുകുമാരൻ ചിത്രത്തിന്റെ കഥ വിശദമായി തന്നെ എന്നോട് മുന്പ് പറഞ്ഞിട്ടുള്ളതാണ്. ചിത്രത്തിൽ കർണന്റെ വേഷമാണ് എനിക്ക് ഓഫർ ചെയ്തത്. എന്നാൽ അന്തിമതീരുമാനത്തിൽ ഞാനെത്തിയിട്ടില്ല. കർണനായി വേഷപ്പകർച്ച നടത്താൻ നല്ലൊരു അധ്വാനം തന്നെ വേണ്ടതുണ്ട്. കാര്യങ്ങൾ അനുകൂലമായി വന്നാൽ ചിത്രത്തിൽ സഹകരിക്കാമെന്ന് സംവിധായകനെ അറിയിച്ചിട്ടുണ്ട്-നാഗാർജുന പറയുന്നു.
ആയിരം കോടി ബജറ്റിൽ ഇതാദ്യമായിട്ടാണ് ഒരു ചിത്രം ഇറങ്ങാൻ പോകുന്നത്. ചിത്രത്തിലെ മറ്റു താരങ്ങൾ ആരൊക്കെയെന്ന് തീരുമാനമായി വരുന്നതേയുള്ളൂ. അന്താരാഷ്ട്ര നിലവാരത്തിലുള്ള താരങ്ങളും സാങ്കേതിക പ്രവർത്തകരുമൊക്കെയായിരിക്കും ചിത്രത്തിൽ സഹകരിക്കുക. രണ്ടു ഭാഗങ്ങളായിട്ടായിരിക്കും ചിത്രം നിർമിക്കുക. ആദ്യ ഭാഗം 2018ലും രണ്ടാം ഭാഗം 2020ലും പ്രദർശനത്തിനെത്തിക്കും. വിഎ ശ്രീകുമാർ മേനോനാണ് മഹാഭാരത സംവിധാനം ചെയ്യുന്നത്. മോഹൻലാൽ നായകനാകുന്ന ഒടിയൻ എന്ന ചിത്രം അദ്ദേഹമിപ്പോൾ സംവിധാനം ചെയ്തു വരികയാണ്. യുഎഇ ആസ്ഥാനമാക്കിയുള്ള പ്രമുഖ ഇന്ത്യൻ വ്യവസായി ബി ആർ ഷെട്ടിയാണ് ചിത്രം നിർമിക്കുന്നത്.
ചിത്രത്തിൽ കർണന്റെ വേഷം ചെയ്യാൻ നാഗാർജുനയെ ആലോചിക്കുന്നതായി അടുത്തിടെ വാർത്തകൾ സജീവമായിരുന്നു. എന്നാൽ ഇതുസംബന്ധിച്ച് ഒൗദ്യോഗിക വിശദീകരണം വന്നിട്ടില്ലായിരുന്നു. ഇതാദ്യമായിട്ടാണ് നാഗാർജുന തന്നെ ഇതുസംബന്ധിച്ച് വെളിപ്പെടുത്തൽ നടത്തിയിരിക്കുന്നത്. സംവിധായകൻ സുകുമാരൻ ചിത്രത്തിന്റെ കഥ വിശദമായി തന്നെ എന്നോട് മുന്പ് പറഞ്ഞിട്ടുള്ളതാണ്. ചിത്രത്തിൽ കർണന്റെ വേഷമാണ് എനിക്ക് ഓഫർ ചെയ്തത്. എന്നാൽ അന്തിമതീരുമാനത്തിൽ ഞാനെത്തിയിട്ടില്ല. കർണനായി വേഷപ്പകർച്ച നടത്താൻ നല്ലൊരു അധ്വാനം തന്നെ വേണ്ടതുണ്ട്. കാര്യങ്ങൾ അനുകൂലമായി വന്നാൽ ചിത്രത്തിൽ സഹകരിക്കാമെന്ന് സംവിധായകനെ അറിയിച്ചിട്ടുണ്ട്-നാഗാർജുന പറയുന്നു.
ആയിരം കോടി ബജറ്റിൽ ഇതാദ്യമായിട്ടാണ് ഒരു ചിത്രം ഇറങ്ങാൻ പോകുന്നത്. ചിത്രത്തിലെ മറ്റു താരങ്ങൾ ആരൊക്കെയെന്ന് തീരുമാനമായി വരുന്നതേയുള്ളൂ. അന്താരാഷ്ട്ര നിലവാരത്തിലുള്ള താരങ്ങളും സാങ്കേതിക പ്രവർത്തകരുമൊക്കെയായിരിക്കും ചിത്രത്തിൽ സഹകരിക്കുക. രണ്ടു ഭാഗങ്ങളായിട്ടായിരിക്കും ചിത്രം നിർമിക്കുക. ആദ്യ ഭാഗം 2018ലും രണ്ടാം ഭാഗം 2020ലും പ്രദർശനത്തിനെത്തിക്കും. വിഎ ശ്രീകുമാർ മേനോനാണ് മഹാഭാരത സംവിധാനം ചെയ്യുന്നത്. മോഹൻലാൽ നായകനാകുന്ന ഒടിയൻ എന്ന ചിത്രം അദ്ദേഹമിപ്പോൾ സംവിധാനം ചെയ്തു വരികയാണ്. യുഎഇ ആസ്ഥാനമാക്കിയുള്ള പ്രമുഖ ഇന്ത്യൻ വ്യവസായി ബി ആർ ഷെട്ടിയാണ് ചിത്രം നിർമിക്കുന്നത്.