പണിയരുടെ അപൂർ‌വ കഥപറയാൻ തു​ടി എത്തുന്നു

വ​യ​നാ​ട​ൻ പ​ശ്ചാ​ത്ത​ല​ത്തി​ൽ, തു​ടി​കൊ​ട്ടി​ൽ സ​ന്തോ​ഷം ക​ണ്ടെ​ത്തു​ന്ന വ​യ​നാ​ട്ടി​ലെ ത​ന്നെ ഗോ​ത്ര​വ​ർ​ഗ​ക്കാ​രാ​യ പ​ണി​യ സ​മു​ദാ​യ​ത്തി​ന്‍റെ ക​ഥ​പ​റ​യു​ന്ന തു​ടി എ​ന്ന ചി​ത്രം സി​നി​മാ​രം​ഗ​ത്ത് വ്യ​ത്യ​സ്ത​മാ​വു​കുന്നു.

ജോ​മോ​ൻ ജോ​ർ​ജ് ര​ച​ന​യും സം​വി​ധാ​ന​വും നി​ർ​വ​ഹി​ച്ച ചി​ത്രം കാ​ല​ഹ​ര​ണ​പ്പെ​ട്ട ആ​ചാ​രാ​നു​ഷ്ഠാ​ന​ങ്ങ​ളു​ടെ വ​ർ​ത്ത​മാ​ന​കാ​ല​ത്തി​നു​ള്ള പ​രി​ച​യ​പ്പെ​ടു​ത്ത​ലാ​ണ്. പ​ണി​യ സ​മു​ദാ​യ​ക്കാ​രു​ടെ ആ​ചാ​ര​ങ്ങ​ളെ​യും അ​നു​ഷ്ഠാ​ന​ങ്ങ​ളെ​യും കോ​ർ​ത്തി​ണ​ക്കി വ​യ​നാ​ടി​ന്‍റെ പ്ര​കൃ​തി പ​ശ്ചാ​ത്ത​ല​ത്തി​ൽ ക​ഥ പ​റ​യു​ന്നു.

ഇ​തു​വ​രെ ആ​രും പ​റ​യാ​ത്ത ആ​ദി​വാ​സി ച​ട​ങ്ങു​ക​ളാ​യ ആ​ട്ട് എ​ന്ന ഗ​ർ​ഭി​ണി പൂ​ജ, വ​യ​സ​റി​യി​ക്ക​ൽ ച​ട​ങ്ങ് തു​ട​ങ്ങി​യ​വ എ​ടു​ത്ത് പ​റ​യു​ന്നു​ണ്ട്. കു​ഴ​ൽ, തു​ടി തു​ട​ങ്ങി​യ ആ​ദി​വാ​സി സം​ഗീ​തോ​പ​ക​ര​ണ​ങ്ങ​ൾ ത​ന്നെ ഉ​പ​യോ​ഗി​ക്കു​ന്ന ചി​ത്ര​ത്തി​ന്‍റെ ഭാ​ഷ​യും ആ​ദി​വാ​സി​ക​ളു​ടേ​തു ത​ന്നെ​യാ​ണ്.

പ​ണി​യ ഗോ​ത്ര​ക്കാ​രു​ടെ ഏ​ത് ആ​ചാ​ര​ങ്ങ​ൾ​ക്കും ഉ​പ​യോ​ഗി​ക്കു​ന്ന തു​ടി​ക്ക് ചി​ത്ര​ത്തി​ലു​ട​നീ​ളം പ്രാ​ധാ​ന്യ​മു​ണ്ട്. കു​ത്തി​യ​മ്മ​യും മു​ത്ത​പ്പ​നും കാ​ട്ടി​ൽ ജീ​വി​ക്കു​ന്ന​വ​രാ​യി​രു​ന്നു​വെ​ന്നും വേ​വി​ച്ച ഭ​ക്ഷ​ണം ന​ൽ​കി ത​ന്പ്രാ​ക്ക​ന്മാ​ർ അ​വ​രെ വ​ല​യി​ട്ട് കാ​ടി​നു വെ​ളി​യി​ൽ കൊ​ണ്ടുവ​ന്ന് അ​ടി​മ​ക​ളാ​ക്കി​യെ​ന്നു തു​ട​ങ്ങു​ന്ന ച​രി​ത്ര​പ​ര​മ​മാ​യ പ​ണി​യ സ​മു​ദാ​യ ഉ​ത്ഭ​വ​ക​ഥ​യും ചി​ത്ര​ത്തി​ൽ പ​റ​ഞ്ഞു പോ​കു​ന്നു.

നാ​ട​ക​പ്ര​വ​ർ​ത്ത​ക​രാ​യ സു​ഗ​തൻ മാസ്റ്റ​ർ, ജോ​ബി ജോ​സ്, ശി​വ​കാ​മി, മ​നീ​ഷ് തു​ട​ങ്ങി​യ​വ​ർ​ക്കൊ​പ്പം വ​യ​നാ​ട്ടി​ലെ പ​ണി​യ സ​മു​ദാ​യ ക​ലാ​കാ​രന്മാ​രും ചി​ത്ര​ത്തി​ലെ ക​ഥാ​പാ​ത്ര​ങ്ങ​ൾ​ക്ക് ജീ​വ​ൻ ന​ൽ​കു​ന്നു. മേ​ച്ചേ​രി മൂ​വീസി​ന്‍റെ ബാ​ന​റി​ൽ ജോ​സ് എം.​ടിയാണ് ചിത്രം നി​ർ​മി​ക്കു​ന്നത്. എം. ​ആ​ർ ചു​ന​ക്ക​രയുടെ വരികൾക്ക് ജ​യ​കാ​ർ​ത്തി സംഗീതം പകരുന്നു.