തിരുവനന്തപുരം: 2020-21 ൽ മത്സ്യഫെഡ് നടപ്പിലാക്കുന്ന മത്സ്യത്തൊഴിലാളി ഗ്രൂപ്പ് അപകട ഇൻഷ്വറൻസ് പദ്ധതിയിൽ മാർച്ച് 31വരെ ചേരാം. അപകട മരണമോ, അപകടത്തെ തുടർന്ന് സ്ഥിര അംഗവൈകല്യമോ സംഭവിക്കുന്നവർക്ക് നിബന്ധനകൾക്കുവിധേയമായി 10,00,000 രൂപ വരെ ഇൻഷ്വറൻസ് ആനുകൂല്യം ലഭിക്കും. പദ്ധതിയിൽ ഒരാൾക്ക് 435 രൂപ അടച്ച് അംഗമാകാം. മത്സ്യത്തൊഴിലാളി വികസന ക്ഷേമ സഹകരണ സംഘങ്ങൾ വഴിയാണ് അംഗങ്ങളാകേണ്ടത്. കൂടുതൽ വിവരങ്ങൾ മത്സ്യഫെഡ് ജില്ലാ ഓഫീസുകളിൽ നിന്നും, ക്ലസ്റ്റർ ഓഫീസുകളിൽ നിന്നും, പ്രാഥമിക സഹകരണ സംഘങ്ങളിൽ നിന്നും ലഭിക്കും.