കോഴിക്കോട്: കേന്ദ്ര സർക്കാരിന്‍റെ ജനവിരുദ്ധ-തൊഴിലാളി വിരുദ്ധ നയങ്ങൾക്കെതിരേ രാജ്യവ്യാപകമായി ജനകീയ പ്രക്ഷോഭങ്ങൾ ശക്തിപ്പെടുകയാണെന്ന് എഐടി യുസി സംസ്ഥാന ജനറൽ സെക്രട്ടറി കെ.പി. രാജേന്ദ്രൻ. പല സംസ്ഥാനങ്ങളിലും ബിജെപി കനത്ത തിരിച്ചടിയാണ് നേരിട്ടുകൊണ്ടിരിക്കുന്നത്. ബിഹാറിൽ കനയ്യകുമാറിന്‍റെ റാലിയിലേക്ക് ആളുകൾ ഒഴുകിയെത്തുന്നതു കണ്ടു ഭയന്ന് സംഘപരിവാർ നിരവധി തവണ റാലിക്ക് നേരെ ആക്രമണം നടത്തി. ജനങ്ങളെ മതപരമായി വിഭജിക്കുകയും രാജ്യത്തെ വിറ്റുതുലയ്ക്കുകയും ചെയ്യുന്ന കേന്ദ്രത്തിന് ജനശക്തിക്ക് മുന്നിൽ മുട്ടുമടക്കേണ്ടിവരുമെന്നും അദ്ദേഹം പറഞ്ഞു.
