![മരട് ഫ്ളാറ്റ് കേസ്: രണ്ടു പ്രതികൾക്ക് ജാമ്യം](https://mc-webpcache.readwhere.in/mcms.php?size=medium&in=https://mcmscache.epapr.in/post_images/website_27/post_13603836/full.jpg)
കൊച്ചി: മരടിൽ തീര പരിപാലന നിയമം ലംഘിച്ച് ഫ്ളാറ്റ് നിർമിച്ചു വിറ്റ കേസിൽ ഒന്നാം പ്രതി ഹോളി ഫെയ്ത്ത് ബിൽഡേഴ്സ് എം.ഡി സാനി ഫ്രാൻസിസ്, മൂന്നാം പ്രതി മുൻ മരട് പഞ്ചായത്ത് ജൂണിയർ സൂപ്രണ്ട് പി.ഇ. ജോസഫ് എന്നിവർക്ക് ഹൈക്കോടതി ജാമ്യം അനുവദിച്ചു. പ്രതികൾ നിയമത്തിന്റെ പിടിയിൽ നിന്ന് രക്ഷപ്പെടുമെന്ന് പ്രോസിക്യൂഷനു പരാതി ഇല്ലെന്നും അന്വേഷണം നിർണായക ഘട്ടത്തിലാണെന്ന് റിമാൻഡ് റിപ്പോർട്ടിൽ പറയുന്നില്ലെന്നും സിംഗിൾബെഞ്ച് വിലയിരുത്തി.