എതിർപ്പുകൾ അവഗണിച്ച് ആർസിഇപി

ന്യൂ​ഡ​ൽ​ഹി: എ​തി​ർ​പ്പു​ക​ൾ അ​വ​ഗ​ണി​ച്ച് ആ​ർ​സി​ഇ​പി ക​രാ​റ​ിൽ ഒ​പ്പി​ടാ​ൻ കേ​ന്ദ്ര സ​ർ​ക്കാ​ർ ഒ​രു​ങ്ങു​ന്നു. ക​ർ​ഷ​ക​താ​ത്പ​ര്യ​ങ്ങ​ൾ ബ​ലി​ക​ഴി​ച്ച് ആ​ർ​സി​ഇ​പി ക​രാ​റി​ന് അ​ടി​യ​റ​വ​യ്ക്കാ​ൻ സ​ർ​ക്കാ​ർ ഒ​രു​ങ്ങു​ക​യാ​ണെ​ന്നാ​ണ് റി​പ്പോ​ർ​ട്ടു​ക​ൾ.

കരാർ സംബന്ധിച്ച് ര​ണ്ടു വി​ഷ​യ​ങ്ങ​ളി​ൽ മാ​ത്ര​മേ ഇ​ന്ത്യ​ക്ക് ഇ​പ്പോ​ൾ വി​യോ​ജി​പ്പു​ള്ളൂ എ​ന്നാ​ണു സൂ​ച​ന. അ​വ​യി​ൽ ധാ​ര​ണ​യ്ക്കു ച​ർ​ച്ച തു​ട​രും എ​ന്നു പ്ര​ഖ്യാ​പി​ച്ചു​കൊ​ണ്ട് ആ​ർ​സി​ഇ​പി ക​രാ​റി​നു സോ​പാ​ധി​ക അം​ഗീ​കാ​രം ന​ൽ​കാ​നാ​ണ് ഇ​പ്പോ​ഴ​ത്തെ നീ​ക്കം. ഇ​തുവ​ഴി എ​തി​ർ​പ്പ് ല​ഘൂ​ക​രി​ക്കാ​മെ​ന്നു നേ​തൃ​ത്വം ക​രു​തു​ന്നു.

ന​വം​ബ​ർ ര​ണ്ടി​നു ബാ​ങ്കോ​ക്കി​ൽ തു​ട​ങ്ങു​ന്ന ആ​സി​യാ​ൻ (തെ​ക്കുകി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളു​ടെ സം​ഘ​ട​ന) ഉ​ച്ച​കോ​ടി​യു​ടെ അ​വ​സാ​നം നാ​ലി​നും അ​ഞ്ചി​നു​മാ​ണ് ആ​ർ​സി​ഇ​പി ഉ​ച്ച​കോ​ടി ന​ട​ക്കു​ക. പ​ത്ത് ആ​സി​യാ​ൻ രാ​ജ്യ​ങ്ങ​ൾ, ചൈ​ന, ഇ​ന്ത്യ, ജ​പ്പാ​ൻ, ദ​ക്ഷി​ണ​കൊ​റി​യ, ഓ​സ്ട്രേ​ലി​യ, ന്യൂ​സി​ല​ൻ​ഡ് എ​ന്നി​വ​യാ​ണ് മേ​ഖ​ലാ സ​മ​ഗ്ര സാ​ന്പ​ത്തി​ക സ​ഖ്യം എ​ന്ന ആ​ർ​സി​ഇ​പി​യി​ൽ ഉ​ള്ള​ത്.

ബാ​ങ്കോ​ക്ക് ഉ​ച്ച​കോ​ടി​യി​ൽ യു​എ​ൻ സെ​ക്ര​ട്ട​റി ജ​ന​റ​ൽ അ​ന്‍റോ​ണി​യേ ഗു​ട്ടേ​റ​സ്, ഐ​എം​എ​ഫ് മാ​നേ​ജിം​ഗ് ഡ​യ​റ​ക്‌​ട​ർ ക്രി​സ്‌​റ്റ​ലി​നാ ജോ​ർ​ജി​യേ​വ എ​ന്നി​വ​രും സം​ബ​ന്ധി​ക്കും. യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നെ ക്ഷ​ണി​ച്ചെ​ങ്കി​ലും വ​ര​വ് ഉ​പ്പാ​യി​ട്ടി​ല്ല.

ഈ ​ഉ​ച്ച​കോ​ടി​യി​ൽ ആ​ർ​സി​ഇ​പി രൂ​പീ​ക​ര​ണ പ്ര​ഖ്യാ​പ​നം ന​ട​ത്തും. 2012-ലാ​രം​ഭി​ച്ച ച​ർ​ച്ച​ക​ളു​ടെ ഫ​ല​മാ​യി രൂ​പംകൊ​ള്ളു​ന്ന ക​രാ​ർ ഇ​പ്പോ​ൾ ഒ​പ്പു​വ​യ്ക്കു​ന്നി​ല്ല. അ​ടു​ത്ത ജൂ​ണി​ലാ​കും ക​രാ​ർ ഒ​പ്പി​ടാ​ൻ ഉ​ച്ച​കോ​ടി ചേ​രു​ക.

ഇ​പ്പോ​ൾ ക​രാ​ർ ഒ​പ്പി​ടാ​ത്ത​തു ചൂ​ണ്ടി​ക്കാ​ട്ടി എ​തി​ർ​പ്പു​കാ​രെ മ​യ​പ്പെ​ടു​ത്താം എ​ന്നാ​ണ് കേ​ന്ദ്രഗ​വ​ൺ​മെ​ന്‍റ് ക​രു​തു​ന്ന​ത്. സ​ഖ്യ​ത്തി​ൽ ചേ​ർ​ന്ന​തേ ഉ​ള്ളൂ. വി​ശ​ദാം​ശ​ങ്ങ​ൾ പി​ന്നീ​ടു തീ​രു​മാ​നി​ക്കു​ന്പോ​ൾ ആ​ശ​ങ്ക​ക​ൾ പ​രി​ഹ​രി​ക്കും എ​ന്നാ​കും ഗ​വ​ൺ​മെ​ന്‍റ് പ​റ​യു​ക. ആ​ർ​എ​സ്എ​സ് അ​ട​ക്കം സ്വ​ദേ​ശി​വാ​ദി​ക​ൾ ക​രാ​റി​നെ​തി​രേ രം​ഗ​ത്തു​വ​ന്നി​ട്ടു​ണ്ട്. മു​ഖ്യ​പ്ര​തി​പ​ക്ഷ​മാ​യ കോ​ൺ​ഗ്ര​സും ഇ​ട​തു​പ​ക്ഷ​വും ഒ​ട്ടു​മി​ക്ക പ്ര​ദേ​ശി​ക പാ​ർ​ട്ടി​ക​ളും ക​ർ​ഷ​ക പ്ര​സ്ഥാ​ന​ങ്ങ​ളും ക​രാ​റി​നെ എ​തി​ർ​ക്കു​ന്നു. ഇ​റ​ക്കു​മ​തി പ്ര​ള​യ​ത്തി​ൽ ഇ​ന്ത്യ​യു​ടെ വ്യ​വ​സാ​യ കാ​ർ​ഷി​ക മേ​ഖ​ല​ക​ൾ ത​ക​രും എ​ന്ന ആ​ശ​ങ്ക​യാ​ണ് ഇ​വ​രെ​ല്ലാം ഉ​ന്ന​യി​ക്കു​ന്ന​ത്.

ഇ ​കൊ​മേ​ഴ്സി​ൽ വ​ഴ​ങ്ങി

ഇ ​കൊ​മേ​ഴ്സ് സ്ഥാ​പ​ന​ങ്ങ​ൾ ഡാ​റ്റ ഇ​ന്ത്യ​യി​ൽ സൂ​ക്ഷി​ക്ക​ണ​മെ​ന്ന​ത​ട​ക്കം ഇ​ന്ത്യ മു​ന്നോ​ട്ടു വ​ച്ച ആ​വ​ശ്യ​ങ്ങ​ൾ അം​ഗീ​ക​രി​ക്ക​പ്പെ​ട്ടി​ല്ല. വ്യ​ക്തി​ക​ളു​ടെ സ്വ​കാ​ര്യ വി​വ​ര​ങ്ങ​ളു​ടെ സു​ര​ക്ഷ​യ്ക്ക​ട​ക്കം നി​യ​മ​നി​ർ​മാ​ണ​ത്തി​നു​ള്ള അ​ധി​കാ​രം ഇ​തോ​ടെ പ്രാ​യോ​ഗി​ക​മാ​യി ന​ഷ്‌​ട​പ്പെ​ടും. ഏ​തെ​ങ്കി​ലും ക​ന്പ​നി ആ​ളി​ല്ലാ​വി​മാ​നം (ഡ്രോ​ൺ) ഉ​പ​യോ​ഗി​ച്ച് സാ​ധ​ന​ങ്ങ​ൾ വി​ത​ര​ണം ചെ​യ്താ​ലും ത​ട​യാ​ൻ പ​റ്റി​ല്ല. രാ​ജ്യ​ര​ക്ഷ​യും നി​യ​മാ​നു​സൃ​ത സ​ർ​ക്കാ​ർ ന​യ​വും ആ​വ​ശ്യ​പ്പെ​ടു​ന്ന​ത്ര നി​യ​ന്ത്ര​ണം രാ​ജ്യ​ത്തി​നു ചു​മ​ത്താ​മെ​ന്നു പ​റ​യു​ന്നു​ണ്ടെ​ങ്കി​ലും അ​വ ന​ട​പ്പാ​ക്കാ​ൻ എ​ളു​പ്പ​മ​ല്ല. രാ​ജ്യാ​ന്ത​ര ക​രാ​റു​ക​ൾ​ക്ക് കൂ​ടു​ത​ൽ പ്രാ​ധാ​ന്യം ന​ല്ക​ണ​മെ​ന്ന വ്യ​വ​സ്ഥ ഇ​ന്ത്യ​ക്കു വി​ന​യാ​കും.

ഇ​തി​ൽ ഇ​ന്ത്യ വ​ഴ​ങ്ങി​യ​തി​നു പ​ക​രം മൂ​ല​ധ​ന നി​ക്ഷേ​പ​ക​രും രാ​ജ്യ​വു​മാ​യു​ള്ള ത​ർ​ക്കം പ​രി​ഹ​രി​ക്കു​ന്ന വി​ഷ​യ​ത്തി​ൽ ഇ​ന്ത്യ​യു​ടെ ആ​വ​ശ്യം സ്വീ​ക​രി​ച്ചു. ഇ​തി​നു മ​ധ്യ​സ്ഥ സം​വി​ധാ​നം ഉ​ണ്ടാ​ക്ക​ണ​മെ​ങ്കി​ൽ എ​ല്ലാ രാ​ജ്യ​ങ്ങ​ളും സ​മ്മ​തി​ക്ക​ണം എ​ന്ന ഇ​ന്ത്യൻ നി​ല​പാ​ട് അം​ഗീ​ക​രി​ച്ചു. ഭൂ​രി​പ​ക്ഷ തീ​രു​മാ​നം അ​ല്ല സ്വീ​ക​രി​ക്കു​ക.

ശേ​ഷി​ക്കു​ന്ന​ത് ര​ണ്ടു വി​ഷ​യ​ങ്ങ​ൾ

‌ആ​ർ​സി​ഇ​പി ക​രാ​ർ ച​ർ​ച്ച​യി​ൽ ഇ​ന്ത്യ​യും മ​റ്റു രാ​ജ്യ​ങ്ങ​ളു​മാ​യി ധാ​ര​ണ​യി​ൽ എ​ത്താ​തെ ശേ​ഷി​ക്കു​ന്ന​തു ര​ണ്ടു വി​ഷ​യ​ങ്ങ​ളാ​ണെ​ന്ന് അ​റി​യു​ന്നു. ഈ ​മാ​സം മ​ന്ത്രി​ത​ല ച​ർ​ച്ച​യ്ക്കു ശേ​ഷം ഉ​ദ്യോ​ഗ​സ്ഥ​ത​ല​ത്തി​ൽ 22 വ​രെ ന​ട​ന്ന ച​ർ​ച്ച​യി​ലും ഇ​ക്കാ​ര്യ​ത്തി​ൽ പ​രി​ഹ​രി​ച്ചി​ല്ല.

ഇ​റ​ക്കു​മ​തി​ത്തീ​രു​വ ഏ​തു വ​ർ​ഷ​ത്തേ​തു ക​ണ​ക്കാ​ക്ക​ണം എ​ന്ന​താ​ണ് ഒ​രു വി​ഷ​യം. ര​ണ്ടാ​മ​ത്തേ​ത് ഇ​റ​ക്കു​മ​തി ക്ര​മാ​തീ​ത​മാ​യി വ​ർ​ധി​ച്ചാ​ൽ ഇ​റ​ക്കു​മ​തി നി​ശ്ചി​ത കാ​ല​ത്തേ​ക്കു വി​ല​ക്കു​ന്ന ഓ​ട്ടോ ട്രി​യ​ർ സം​വി​ധാ​നം എ​ത്ര ഇ​ന​ങ്ങ​ൾ​ക്കു വേ​ണം എ​ന്ന​താ​ണ്.

2014-ലെ ​തീ​രു​വ​യി​ൽനി​ന്നു കു​റ​വു​ വ​രു​ത്ത​ണ​മെ​ന്നു മ​റ്റു രാ​ജ്യ​ങ്ങ​ൾ ആ​വ​ശ്യ​പ്പെ​ടു​ന്നു. ഇ​ന്ത്യ​യാ​ക​ട്ടെ 2019-ലെ ​നി​ര​ക്കു​ വേ​ണ​മെ​ന്ന് വാ​ദി​ക്കു​ന്നു. 2014-നു ​ശേ​ഷം ഇ​ന്ത്യ 3500 -ലേ​റെ ഇ​ന​ങ്ങ​ളു​ടെ തീ​രു​വ കൂ​ട്ടി​യി​രി​ക്കു​ന്നു. കൂ​ടി​യ തീ​രു​വ​യു​ടെ നി​ശ്ചി​ത ശ​ത​മാ​നം കു​റ​യ്ക്കു​ക​യാ​ണെ​ങ്കി​ൽ കു​റേ​ക്കാ​ലം കൂ​ടി ഇ​ന്ത്യ​ൻ ഉ​ത്​പാ​ദ​ക​ർ​ക്കു പി​ടി​ച്ചു​നി​ൽ​ക്കാ​നാ​കുമെ​ന്ന് ഇ​ന്ത്യ ക​രു​തു​ന്നു.
ചൈ​ന​യി​ൽ നി​ന്നു​ള്ള ഇ​റ​ക്കു​മ​തി പ്ര​ള​യ​മാ​ണ് ഇ​ന്ത്യ ഭ​യ​പ്പെ​ടു​ന്ന​ത്. ഇ​തി​നെ​തി​രേ ഓ​ട്ടോ ട്രി​യ​ർ സം​വി​ധാ​നം ഉ​ണ്ടാ​യാ​ൽ ഇ​റ​ക്കു​മ​തി കു​റേ​ക്കാ​ലം ത​ട​യാ​നാ​കും. 30-ൽ ​താ​ഴെ ഇ​ന​ങ്ങ​ൾ​ക്ക് ഇ​ത​നു​വ​ദി​ക്കാം എ​ന്നാ​ണു ചൈ​നീ​സ് നി​ല​പാ​ട്. 78 ഇ​ന​ങ്ങ​ൾ​ക്കു വേ​ണെ​ന്ന് ഇ​ന്ത്യ വാ​ദി​ക്കു​ന്നു.

ഇ​വ ര​ണ്ടി​ലും ഒ​ടു​വി​ൽ ഇ​ന്ത്യ ചി​ല്ല​റ വി​ട്ടു​വീ​ഴ്ച​ക​ൾ​ക്കു ത​യാ​റാ​കേ​ണ്ടി​വ​രും.