തിരുവനന്തപുരം: കേരള ആരോഗ്യ സർവകലാശാലയിൽ സർക്കാർ നിർദേശിച്ചയാളെ ഒഴിവാക്കി ഡോ. മോഹൻ കുന്നുമ്മലിനെ വൈസ് ചാൻസലറായി ഗവർണർ ആരിഫ് മുഹമ്മദ്ഖാൻ നിയമിച്ചു. സർക്കാർ നിർദേശിച്ച ഡോ. പ്രവീണ് ലാൽ കുറ്റിച്ചിറയെയും പട്ടികയിലുൾപ്പെട്ടിരുന്ന മുൻ മുഖ്യമന്ത്രി സി. അച്യുതമേനോന്റെ മകൻ ഡോ. വി. രാമൻകുട്ടിയെയും ഒഴിവാക്കിയാണു അവസാന പേരുകാരനായ മോഹൻ കുന്നുമ്മലിനെ നിയമിച്ചത്. വിസിയായിരുന്ന ഡോ. എം.കെ.സി. നായരുടെ കാലാവധി അവസാനിച്ച സാഹചര്യത്തിലാണു പുതിയ നിയമനം.
ആരോഗ്യ സർവകലാശാലാ ഗവേണിംഗ് കൗണ്സിൽ അംഗവും മെഡിസിൻ ഡീനുമായിരുന്ന ഡോ. കെ. മോഹനൻ (മോഹൻ കുന്നമ്മൽ) പെരിന്തൽമണ്ണ എംഇഎസ് മെഡിക്കൽ കോളജിലെ റേഡിയോ ഡയഗ്നോസിസ് വിഭാഗം മേധാവിയായിരുന്നു. തൃശൂർ മെഡിക്കൽ കോളജ് റേഡിയോ ഡയഗ്നോസിസ് വിഭാഗത്തിൽ ദീർഘകാലം അധ്യാപകനായി പ്രവർത്തിച്ചിട്ടു ണ്ട്. 2016ൽ മഞ്ചേരി സർക്കാർ മെഡിക്കൽ കോളജിൽ പ്രൻസിപ്പലായി സേവനമനുഷ്ഠിച്ചു.
സെർച്ച് കമ്മിറ്റി സമർപ്പിച്ച മൂന്നു പേരുടെ പട്ടികയിൽനിന്നു മെഡിക്കൽ വിദ്യാഭ്യാസ മുൻ ഡയറക്ടറും നിലവിൽ തൃശൂർ ജൂബിലി മിഷൻ മെഡിക്കൽ കോളജിൽ പ്രഫസറുമായ ഡോ. പ്രവീണ്ലാൽ കുറ്റിച്ചിറയെ വിസിയായി നിയമിക്കുന്നതിനാണു താത്പര്യമെന്നു സർക്കാർ, രാജ്ഭവനെ അറിയിച്ചിരുന്നു. ഇതിനു പുറമെ ഡോ.വി. രാമൻകുട്ടിയുടെയും മൂന്നാം പേരായി മോഹനനെയും പാനലിൽ ഉൾപ്പെടുത്തിയിരുന്നു. എന്നാൽ, മോഹനനെ വിസിയായി നിയമിച്ചുകൊണ്ട് ഗവർണർ ഉത്തരവിറക്കി.
ഇന്ത്യൻ റേഡിയോജിക്കൽ ആൻഡ് ഇമേജിംഗ് അസോസിയേഷൻ പ്രസിഡന്റ്, ഇന്ത്യൻ മെഡിക്കൽ കൗണ്സിൽ അംഗം തുടങ്ങിയ പദവികൾ വഹിച്ച ഡോ. മോഹനൻ ട്രാവൻകൂർ കൊച്ചിൻ മെഡിക്കൽ കൗണ്സിൽ അംഗവുമാണ്. 2016ൽ സംസ്ഥാന സർക്കാരിന്റെ മികച്ച ഡോക്ടർക്കുള്ള പുരസ്കാരം അടക്കം നിരവധി അംഗീകാരങ്ങളും ലഭിച്ചിട്ടുണ്ട്. ഡോ.ബി. ഇക്ബാൽ കണ്വീനറായ സെർച്ച് കമ്മിറ്റിയിൽ എംജിആർ മെഡിക്കൽ യൂണിവേഴ്സിറ്റി മുൻ വൈസ് ചാൻസലർ ഡോ. മയിൽവാഹനൻ, യുജിസി മുൻ ചെയർമാൻ ഡോ. ഹരി ഗൗതം എന്നിവരായിരുന്നു അംഗങ്ങൾ.
ആരോഗ്യ സർവകലാശാലാ ഗവേണിംഗ് കൗണ്സിൽ അംഗവും മെഡിസിൻ ഡീനുമായിരുന്ന ഡോ. കെ. മോഹനൻ (മോഹൻ കുന്നമ്മൽ) പെരിന്തൽമണ്ണ എംഇഎസ് മെഡിക്കൽ കോളജിലെ റേഡിയോ ഡയഗ്നോസിസ് വിഭാഗം മേധാവിയായിരുന്നു. തൃശൂർ മെഡിക്കൽ കോളജ് റേഡിയോ ഡയഗ്നോസിസ് വിഭാഗത്തിൽ ദീർഘകാലം അധ്യാപകനായി പ്രവർത്തിച്ചിട്ടു ണ്ട്. 2016ൽ മഞ്ചേരി സർക്കാർ മെഡിക്കൽ കോളജിൽ പ്രൻസിപ്പലായി സേവനമനുഷ്ഠിച്ചു.
സെർച്ച് കമ്മിറ്റി സമർപ്പിച്ച മൂന്നു പേരുടെ പട്ടികയിൽനിന്നു മെഡിക്കൽ വിദ്യാഭ്യാസ മുൻ ഡയറക്ടറും നിലവിൽ തൃശൂർ ജൂബിലി മിഷൻ മെഡിക്കൽ കോളജിൽ പ്രഫസറുമായ ഡോ. പ്രവീണ്ലാൽ കുറ്റിച്ചിറയെ വിസിയായി നിയമിക്കുന്നതിനാണു താത്പര്യമെന്നു സർക്കാർ, രാജ്ഭവനെ അറിയിച്ചിരുന്നു. ഇതിനു പുറമെ ഡോ.വി. രാമൻകുട്ടിയുടെയും മൂന്നാം പേരായി മോഹനനെയും പാനലിൽ ഉൾപ്പെടുത്തിയിരുന്നു. എന്നാൽ, മോഹനനെ വിസിയായി നിയമിച്ചുകൊണ്ട് ഗവർണർ ഉത്തരവിറക്കി.
ഇന്ത്യൻ റേഡിയോജിക്കൽ ആൻഡ് ഇമേജിംഗ് അസോസിയേഷൻ പ്രസിഡന്റ്, ഇന്ത്യൻ മെഡിക്കൽ കൗണ്സിൽ അംഗം തുടങ്ങിയ പദവികൾ വഹിച്ച ഡോ. മോഹനൻ ട്രാവൻകൂർ കൊച്ചിൻ മെഡിക്കൽ കൗണ്സിൽ അംഗവുമാണ്. 2016ൽ സംസ്ഥാന സർക്കാരിന്റെ മികച്ച ഡോക്ടർക്കുള്ള പുരസ്കാരം അടക്കം നിരവധി അംഗീകാരങ്ങളും ലഭിച്ചിട്ടുണ്ട്. ഡോ.ബി. ഇക്ബാൽ കണ്വീനറായ സെർച്ച് കമ്മിറ്റിയിൽ എംജിആർ മെഡിക്കൽ യൂണിവേഴ്സിറ്റി മുൻ വൈസ് ചാൻസലർ ഡോ. മയിൽവാഹനൻ, യുജിസി മുൻ ചെയർമാൻ ഡോ. ഹരി ഗൗതം എന്നിവരായിരുന്നു അംഗങ്ങൾ.