കോട്ടയം: എംജി സർവകലാശാലയിൽ മാർക്ക് ദാനത്തിലൂടെ ബിടെക് പാസാക്കി നൽകിയ 119 വിദ്യാർഥികൾക്കും പ്രൊവിഷണൽ സർട്ടിഫിക്കറ്റ് തിരിച്ചേൽപ്പിക്കാൻ ആവശ്യപ്പെട്ട് അടുത്തയാഴ്ച മെമ്മോ അയയ്ക്കും. രജിസ്റ്റേഡ് കത്ത് കൈപ്പറ്റി രണ്ടാഴ്ചയ്ക്കുള്ളിൽ സർട്ടിഫിക്കറ്റും തിരുത്തി നൽകിയ പുതിയ മാർക്ക് ലിസ്റ്റും സർവകലാശാലയിൽ നേരിട്ടോ തപാലിലോ തിരികെ ഏൽപ്പിക്കാൻ നിർദേശിക്കും. താത്കാലിക സർട്ടിഫിക്കറ്റിനും മാർക്ക് ലിസ്റ്റിനും ഈടാക്കിയ ഫീസ് തിരികെ നൽകും. ഒരാൾക്കും ഒറിജിനൽ സർട്ടിഫിക്കറ്റ് നൽകിയിട്ടില്ല.
