കാഞ്ഞിരപ്പള്ളി: തോട്ടം - പുരയിടം വിഷയത്തിലെ കാഞ്ഞിരപ്പള്ളി, മീനച്ചില്‍ താലൂക്കുകളിലെ റീസര്‍വേ അപാകതയില്‍ വന്നുപോയ ഗുരുതരമായ തെറ്റിനെ തിരുത്താന്‍ ഇന്‍ഫാമിന്‍റെ നേതൃത്വത്തില്‍ നടത്തുന്ന പരിശ്രമത്തിന്‍റെ ഭാഗമായി പ്രശ്‌നബാധിത മേഖല ഉള്‍പ്പെടുന്ന സ്ഥലങ്ങളിലെ എംപിമാരായ ആന്‍റോ ആന്‍റണി, തോമസ് ചാഴികാടന്‍, ജോസ് കെ. മാണി, എംഎല്‍എമാരായ മാണി സി. കാപ്പന്‍, പി.സി. ജോര്‍ജ്, ഡോ.എന്‍. ജയരാജ് എന്നിവരും ഇന്‍ഫാമിനെ പ്രതിനിധീകരിച്ചു സംസ്ഥാന ജോയിന്‍റ് ഡയറക്ടര്‍ ഫാ. തോമസ് മറ്റമുണ്ടയില്‍, ഇന്‍ഫാം ദേശീയ സെക്രട്ടറി ജനറല്‍ വി.സി. സെബാസ്റ്റ്യന്‍, സമരസമിതി ജനറല്‍ കണ്‍വീനര്‍ ജോജി വാളിപ്ലാക്കല്‍, ചെയര്‍മാന്‍ ടോമി സ്‌കറിയ ഐക്കര, ഭാരവാഹികളായ ഫാ. ജോസ് തറപ്പേല്‍, ഏബ്രാഹം തോമസ്, മാത്യു മാമ്പറമ്പില്‍ എന്നിവർ ഇന്ന് പാറത്തോട് മലനാട് ഡവലപ്‌മെന്‍റ് സൊസൈറ്റി കോണ്‍ഫറന്‍സ് ഹാളില്‍ വിശദമായ ചര്‍ച്ചയും കൂടിക്കാഴ്ചയും നടത്തും.
വിഷമത അനുഭവിക്കുന്ന കര്‍ഷകരുടെ അവസ്ഥകള്‍ പങ്കുവയ്ക്കും. തോട്ടം - പുരയിടം വിഷയത്തിലെ പ്രതിസന്ധിയും പരിഹാര മാര്‍ഗങ്ങളും നിര്‍ദേശങ്ങളും കര്‍ഷകരുടെ അഭിപ്രായങ്ങളും അടങ്ങിയ നിവേദനം കൈമാറും. 28ന് തുടങ്ങുന്ന നിയമസഭാ സമ്മേളനത്തില്‍ ഈ വിഷയം സഭയുടെ മുമ്പില്‍ കൊണ്ടുവരാനും നിലവിലെ നിയമവ്യവസ്ഥയിലെ അപാകതകളും പുതിയ നിര്‍ദേശങ്ങളും ഒറ്റക്കെട്ടായി സഭയില്‍ ഉന്നയിക്കാന്‍ ഈ സമ്മേളനം പ്രയോജനകരമാകുമെന്നു ഭാരവാഹികള്‍ അറിയിച്ചു.
ഇന്നലെ കോട്ടയം കളക്ടറേറ്റില്‍ നടത്തിയ നിയമസഭയുടെ ഹര്‍ജികള്‍ സംബന്ധിച്ചു തെളിവെടുപ്പു സമിതിയില്‍ ചെയര്‍മാന്‍ കെ.ബി. ഗണേഷ്‌കുമാര്‍, അംഗങ്ങളായ ആര്‍. രാമചന്ദ്രന്‍, രാജു ഏബ്രഹാം, ജില്ലാ കളക്ടര്‍ പി.കെ. സുധീര്‍ബാബു ജില്ലയിലെ വിവിധ വകുപ്പു തലവന്മാര്‍ ഉള്‍പ്പെടുന്ന സമിതിയുടെ മുമ്പാകെ ഇന്‍ഫാം കര്‍ഷകവേദിയുടെ നേതൃത്വത്തില്‍ നിവേദനം നല്‍കി. ഇന്‍ഫാം ഭാരവാഹികളായ എബ്രാഹം തോമസ് പന്തിരുവേലില്‍, ജയിസണ്‍ ചെമ്പ്‌ളായില്‍, ഷാബോച്ചന്‍ മുളങ്ങാശേരി എന്നിവര്‍ നിവേദക സംഘത്തില്‍ ഉണ്ടായിരുന്നു.
വിഷമത അനുഭവിക്കുന്ന കര്‍ഷകരുടെ അവസ്ഥകള്‍ പങ്കുവയ്ക്കും. തോട്ടം - പുരയിടം വിഷയത്തിലെ പ്രതിസന്ധിയും പരിഹാര മാര്‍ഗങ്ങളും നിര്‍ദേശങ്ങളും കര്‍ഷകരുടെ അഭിപ്രായങ്ങളും അടങ്ങിയ നിവേദനം കൈമാറും. 28ന് തുടങ്ങുന്ന നിയമസഭാ സമ്മേളനത്തില്‍ ഈ വിഷയം സഭയുടെ മുമ്പില്‍ കൊണ്ടുവരാനും നിലവിലെ നിയമവ്യവസ്ഥയിലെ അപാകതകളും പുതിയ നിര്‍ദേശങ്ങളും ഒറ്റക്കെട്ടായി സഭയില്‍ ഉന്നയിക്കാന്‍ ഈ സമ്മേളനം പ്രയോജനകരമാകുമെന്നു ഭാരവാഹികള്‍ അറിയിച്ചു.
ഇന്നലെ കോട്ടയം കളക്ടറേറ്റില്‍ നടത്തിയ നിയമസഭയുടെ ഹര്‍ജികള്‍ സംബന്ധിച്ചു തെളിവെടുപ്പു സമിതിയില്‍ ചെയര്‍മാന്‍ കെ.ബി. ഗണേഷ്‌കുമാര്‍, അംഗങ്ങളായ ആര്‍. രാമചന്ദ്രന്‍, രാജു ഏബ്രഹാം, ജില്ലാ കളക്ടര്‍ പി.കെ. സുധീര്‍ബാബു ജില്ലയിലെ വിവിധ വകുപ്പു തലവന്മാര്‍ ഉള്‍പ്പെടുന്ന സമിതിയുടെ മുമ്പാകെ ഇന്‍ഫാം കര്‍ഷകവേദിയുടെ നേതൃത്വത്തില്‍ നിവേദനം നല്‍കി. ഇന്‍ഫാം ഭാരവാഹികളായ എബ്രാഹം തോമസ് പന്തിരുവേലില്‍, ജയിസണ്‍ ചെമ്പ്‌ളായില്‍, ഷാബോച്ചന്‍ മുളങ്ങാശേരി എന്നിവര്‍ നിവേദക സംഘത്തില്‍ ഉണ്ടായിരുന്നു.
