തിരുവനന്തപുരം: നടി മഞ്ജുവാര്യർ ഡിജിപിക്ക് നേരിട്ട് നൽകിയ പരാതിയുടെ അടിസ്ഥാനത്തിൽ സംവിധായകൻ ശ്രീകുമാർ മേനോനെതിരായ ആരോപണ ത്തിൽ കഴന്പുണ്ടെന്നു കണ്ടെത്തൽ. ഇതേത്തുടർന്നു പരാതി അന്വേഷിക്കാൻ പ്രത്യേക സംഘത്തെ നിയോഗിച്ചു.
ഡിജിപിയുടെ നിർദേശപ്രകാരം തൃശൂർ ഈസ്റ്റ് പോലീസാണ് കേസെടുത്തിരിക്കുന്നത്. തൃശൂർ ജില്ലാ ക്രൈം ബ്രാഞ്ച് ഡിവൈഎസ്പിയുടെ നേതൃത്വത്തിലുള്ള സംഘമാണ് അന്വേഷിക്കുക.
സ്ത്രീകളെ അപമാനിക്കുക, സമൂഹമാധ്യമങ്ങളിലൂടെ അപകീർത്തിപ്പെടുത്തുക തുടങ്ങിയ വകുപ്പുകൾ അനുസരിച്ചാണ് ശ്രീകുമാർ മേനോനെതിരേ കേസെടുത്തിരിക്കുന്നത്. അടുത്ത ദിവസങ്ങളിൽ തന്നെ ശ്രീകുമാർ മേനോനിൽനിന്നു പോലീസ് മൊഴിയെടുക്കും.
ശ്രീകുമാർ മേനോൻ തന്നെ നിരന്തരം ഭീഷണിപ്പെടുത്തുന്നതായും അപകടത്തിൽപ്പെടുത്താൻ ശ്രമിക്കുമോയെന്നു ഭയമുണ്ടെന്നും കാണിച്ചാണു മഞ്ജുവാര്യർ കഴിഞ്ഞ ദിവസം സംസ്ഥാന പോലീസ് മേധാവി ലോക്നാഥ് ബെഹ്റയെ നേരിൽ കണ്ടു പരാതി നൽകിയത്.
ഔദ്യോഗിക ആവശ്യങ്ങൾക്കായി താൻ ശ്രീകുമാർ മേനോനു കൈമാറിയ ലെറ്റർ ഹെഡും രേഖകളും ദുരുപയോഗം ചെയ്യാൻ സാധ്യതയുണ്ടെന്നും പരാതിയിലുണ്ട്.
മോഹൻലാലിനെ നായകനാക്കി ശ്രീകുമാർ മേനോൻ സംവിധാനം ചെയ്ത ഒടിയൻ എന്ന ബിഗ് ബജറ്റ് സിനിമയിൽ മഞ്ജുവാര്യരായിരുന്നു നായിക. ഈ ചിത്രത്തിനു ശേഷം തനിക്കു നേരെ സമൂഹമാധ്യങ്ങളിലൂടെ നടക്കുന്ന ആക്രമണത്തിനു പിന്നിൽ ശ്രീകുമാർ മേനോനും അദ്ദേഹത്തിന്‍റെ ഒരു സുഹൃത്തുമാണെന്നും പരാതിയിൽ മഞ്ജു ആരോപിക്കുന്നുണ്ട്.
ഡിജിപിയുടെ നിർദേശപ്രകാരം തൃശൂർ ഈസ്റ്റ് പോലീസാണ് കേസെടുത്തിരിക്കുന്നത്. തൃശൂർ ജില്ലാ ക്രൈം ബ്രാഞ്ച് ഡിവൈഎസ്പിയുടെ നേതൃത്വത്തിലുള്ള സംഘമാണ് അന്വേഷിക്കുക.
സ്ത്രീകളെ അപമാനിക്കുക, സമൂഹമാധ്യമങ്ങളിലൂടെ അപകീർത്തിപ്പെടുത്തുക തുടങ്ങിയ വകുപ്പുകൾ അനുസരിച്ചാണ് ശ്രീകുമാർ മേനോനെതിരേ കേസെടുത്തിരിക്കുന്നത്. അടുത്ത ദിവസങ്ങളിൽ തന്നെ ശ്രീകുമാർ മേനോനിൽനിന്നു പോലീസ് മൊഴിയെടുക്കും.
ശ്രീകുമാർ മേനോൻ തന്നെ നിരന്തരം ഭീഷണിപ്പെടുത്തുന്നതായും അപകടത്തിൽപ്പെടുത്താൻ ശ്രമിക്കുമോയെന്നു ഭയമുണ്ടെന്നും കാണിച്ചാണു മഞ്ജുവാര്യർ കഴിഞ്ഞ ദിവസം സംസ്ഥാന പോലീസ് മേധാവി ലോക്നാഥ് ബെഹ്റയെ നേരിൽ കണ്ടു പരാതി നൽകിയത്.
ഔദ്യോഗിക ആവശ്യങ്ങൾക്കായി താൻ ശ്രീകുമാർ മേനോനു കൈമാറിയ ലെറ്റർ ഹെഡും രേഖകളും ദുരുപയോഗം ചെയ്യാൻ സാധ്യതയുണ്ടെന്നും പരാതിയിലുണ്ട്.
മോഹൻലാലിനെ നായകനാക്കി ശ്രീകുമാർ മേനോൻ സംവിധാനം ചെയ്ത ഒടിയൻ എന്ന ബിഗ് ബജറ്റ് സിനിമയിൽ മഞ്ജുവാര്യരായിരുന്നു നായിക. ഈ ചിത്രത്തിനു ശേഷം തനിക്കു നേരെ സമൂഹമാധ്യങ്ങളിലൂടെ നടക്കുന്ന ആക്രമണത്തിനു പിന്നിൽ ശ്രീകുമാർ മേനോനും അദ്ദേഹത്തിന്‍റെ ഒരു സുഹൃത്തുമാണെന്നും പരാതിയിൽ മഞ്ജു ആരോപിക്കുന്നുണ്ട്.
