മൂവാറ്റുപുഴ: നാടിനു അപ്രതീക്ഷിത ആഘാതമായി ഫാ.മാത്യു വെള്ളാങ്കൽ ജൂണിയറിന്റെ വേർപാട്.കോതമംഗലം രൂപതയിലെ രണ്ടാർ ഇടവകയിൽ വെള്ളാങ്കൽ കുര്യാക്കോസ്- ഏലിക്കുട്ടി ദന്പതികളുടെ മൂന്നാമത്തെ മകനായി 1958 മേയ് 16നാണ് അദ്ദേഹം ജനിച്ചത്.
പിഡിസി വിദ്യാഭ്യാസത്തിനു ശേഷം സലേഷ്യൻ സഭയുടെ നോർത്ത് ഈസ്റ്റ് പ്രൊവിൻസിൽ വൈദിക പഠനത്തിനു ചേർന്നു. വൈദികപഠനം പൂർത്തിയാക്കി 1986 ജനുവരി അഞ്ചിനു സ്വന്തം ഇടവകയായ രണ്ടാർ സെന്റ് മൈക്കിൾസ് പള്ളിയിൽ കോതമംഗലം ബിഷപ് മാർ ജോർജ് പുന്നക്കോട്ടിലിൽനിന്നു പൗരോഹിത്യം സ്വീകരിച്ച് പ്രഥമ ദിവ്യബലിയർപ്പിച്ചു. തുടർന്നു ഷില്ലോംഗിൽ മിഷൻ മേഖലയിലും ഇടവക വികാരിയായും സ്കൂൾ പ്രിൻസിപ്പലായും സേവനമനുഷ്ഠിച്ചു. പിന്നീട് നോർത്ത് ഈസ്റ്റ് പ്രൊവിൻസിന്റെ യുവജനവിഭാഗം ഡയറക്ടറായി നിയമിതനായി. ഈ കാലയളവിൽ 60 രാജ്യങ്ങളിലായി വ്യാപിച്ചുകിടക്കുന്ന വത്തിക്കാനു കീഴിലുള്ള അന്താരാഷ്ട്ര യുവജന കാർഷിക സംഘടനയായ മിജാർക്കിന്റെ ഇന്റർനാഷണൽ ചാപ്ലയിനായി നിയമിതനായി.
അഞ്ചു വർഷം ഈ തസ്തികയിൽ പ്രവർത്തിച്ചു. ഇക്കാലയളവിൽ വിവിധ രാജ്യങ്ങൾ സന്ദർശിച്ചു കാർഷിക മേഖലയിലെ കത്തോലിക്ക യുവജനങ്ങളുമായി സംവദിച്ചു. ഈ സ്ഥാനത്തുനിന്നു വിരമിച്ച ശേഷം കലിഫോർണിയയിലെ ഓക്ലാൻഡ് രൂപതയിലെ വിവിധ ഇടവകകളിൽ സഹവികാരി, വികാരി എന്നീ നിലകളിൽ ശുശ്രൂഷ ചെയ്തു. നിലവിൽ അമേരിക്കയിലെ കോണ്കോർഡ് സെന്റ് ബൊണവൻച്വർ ഇടവക വികാരിയായിരുന്നു.കഴിഞ്ഞ ജനുവരിയിൽ മൂവാറ്റുപുഴയിലെ കുടുംബവീട്ടിൽ എത്തിയിരുന്നു.
പിഡിസി വിദ്യാഭ്യാസത്തിനു ശേഷം സലേഷ്യൻ സഭയുടെ നോർത്ത് ഈസ്റ്റ് പ്രൊവിൻസിൽ വൈദിക പഠനത്തിനു ചേർന്നു. വൈദികപഠനം പൂർത്തിയാക്കി 1986 ജനുവരി അഞ്ചിനു സ്വന്തം ഇടവകയായ രണ്ടാർ സെന്റ് മൈക്കിൾസ് പള്ളിയിൽ കോതമംഗലം ബിഷപ് മാർ ജോർജ് പുന്നക്കോട്ടിലിൽനിന്നു പൗരോഹിത്യം സ്വീകരിച്ച് പ്രഥമ ദിവ്യബലിയർപ്പിച്ചു. തുടർന്നു ഷില്ലോംഗിൽ മിഷൻ മേഖലയിലും ഇടവക വികാരിയായും സ്കൂൾ പ്രിൻസിപ്പലായും സേവനമനുഷ്ഠിച്ചു. പിന്നീട് നോർത്ത് ഈസ്റ്റ് പ്രൊവിൻസിന്റെ യുവജനവിഭാഗം ഡയറക്ടറായി നിയമിതനായി. ഈ കാലയളവിൽ 60 രാജ്യങ്ങളിലായി വ്യാപിച്ചുകിടക്കുന്ന വത്തിക്കാനു കീഴിലുള്ള അന്താരാഷ്ട്ര യുവജന കാർഷിക സംഘടനയായ മിജാർക്കിന്റെ ഇന്റർനാഷണൽ ചാപ്ലയിനായി നിയമിതനായി.
അഞ്ചു വർഷം ഈ തസ്തികയിൽ പ്രവർത്തിച്ചു. ഇക്കാലയളവിൽ വിവിധ രാജ്യങ്ങൾ സന്ദർശിച്ചു കാർഷിക മേഖലയിലെ കത്തോലിക്ക യുവജനങ്ങളുമായി സംവദിച്ചു. ഈ സ്ഥാനത്തുനിന്നു വിരമിച്ച ശേഷം കലിഫോർണിയയിലെ ഓക്ലാൻഡ് രൂപതയിലെ വിവിധ ഇടവകകളിൽ സഹവികാരി, വികാരി എന്നീ നിലകളിൽ ശുശ്രൂഷ ചെയ്തു. നിലവിൽ അമേരിക്കയിലെ കോണ്കോർഡ് സെന്റ് ബൊണവൻച്വർ ഇടവക വികാരിയായിരുന്നു.കഴിഞ്ഞ ജനുവരിയിൽ മൂവാറ്റുപുഴയിലെ കുടുംബവീട്ടിൽ എത്തിയിരുന്നു.