മൂവാറ്റുപുഴ: ദീപിക ബാലസഖ്യം സംസ്ഥാനതല പ്രവർത്തന വർഷത്തിനു തുടക്കം കുറിച്ചു. നിർമല ഹയർ സെക്കൻഡറി സ്കൂളിൽ നടന്ന യോഗത്തിൽ ജ്വാല അവാർഡ് ജേതാവ് മാളു ഷെയ്ക ഉദ്ഘാടനം നിർവഹിച്ചു. സമൂഹത്തിൽനിന്നു പ്രതിസന്ധി നേരിടുന്പോഴും ഉയരങ്ങൾ കീഴടക്കാൻ ഓരോരുത്തരുടെയും മനസിൽ ആഗ്രഹമുണ്ടാകണമെന്നു അവർ പറഞ്ഞു.
വലിയ ലക്ഷ്യങ്ങൾ മുന്നിൽകണ്ട് പ്രവർത്തിക്കാൻ വിദ്യാർഥികൾക്കു കഴിയണം. ഡിസിഎൽ ഉൾപ്പെടെയുള്ള സംഘടനകളിലെ പ്രവർത്തനത്തിലൂടെ സമൂഹത്തിലെ വെല്ലുവിളികളെ അതിജീവിക്കാൻ വിദ്യാർഥികൾക്കു സാധിക്കുമെന്നും അവർ കൂട്ടിച്ചേർത്തു. സ്കൂൾ ലോക്കൽ മാനേജർ ഫാ. പോൾ നെടുന്പുറത്ത് അധ്യക്ഷത വഹിച്ചു.
ഡിസിഎൽ കൊച്ചേട്ടൻ ഫാ. റോയി കണ്ണൻചിറ സിഎംഐ മുഖ്യപ്രഭാഷണം നടത്തി. സാധ്യതകൾ നിറഞ്ഞ ലോകത്ത് തന്റേതായ പാത വെട്ടിത്തുറന്നു മുന്നോട്ടു നീങ്ങുന്നവരാണ് വിജയം നേടുന്നതെന്നു അദ്ദേഹം പറഞ്ഞു. ഡിസിഎൽ പ്രവർത്തനത്തിലൂടെ സമൂഹത്തിന്റെ മുഖ്യധാരയിൽ എത്തിച്ചേരാൻ കഴിഞ്ഞവർ നിരവധിയാണ്. ഉയരങ്ങൾ കീഴടക്കാൻ ശ്രമിക്കുന്പോഴുള്ള തടസങ്ങൾ ദൃഢനിശ്ചയത്തിലൂടെ നീക്കം ചെയ്യാനാകുമെന്നും ഫാ. റോയി കണ്ണൻചിറ കൂട്ടിച്ചേർത്തു. സ്കൂൾ പ്രിൻസിപ്പൽ റവ. ഡോ. ആന്റണി പുത്തൻകുളം, ഫാ. സെബാസ്റ്റ്യൻ പോത്തനാമൂഴി, ഫാ. ചാൾസ് കപ്യാരുമലയിൽ, ഫാ. പോൾ മണവാളൻ, ജി.യു. വർഗീസ്, പിടിഎ പ്രസിഡന്റ് സിബി കണ്ണന്പുഴ തുടങ്ങിയവർ പ്രസംഗിച്ചു. ദേശീയ പഞ്ചഗുസ്തി മത്സരത്തിൽ ഇരട്ട വെള്ളിമെഡൽ കരസ്ഥമാക്കിയ സ്കൂൾ വിദ്യാർഥിനി ആർദ്ര സുരേഷിനെ യോഗത്തിൽ അനുമോദിച്ചു.
വലിയ ലക്ഷ്യങ്ങൾ മുന്നിൽകണ്ട് പ്രവർത്തിക്കാൻ വിദ്യാർഥികൾക്കു കഴിയണം. ഡിസിഎൽ ഉൾപ്പെടെയുള്ള സംഘടനകളിലെ പ്രവർത്തനത്തിലൂടെ സമൂഹത്തിലെ വെല്ലുവിളികളെ അതിജീവിക്കാൻ വിദ്യാർഥികൾക്കു സാധിക്കുമെന്നും അവർ കൂട്ടിച്ചേർത്തു. സ്കൂൾ ലോക്കൽ മാനേജർ ഫാ. പോൾ നെടുന്പുറത്ത് അധ്യക്ഷത വഹിച്ചു.
ഡിസിഎൽ കൊച്ചേട്ടൻ ഫാ. റോയി കണ്ണൻചിറ സിഎംഐ മുഖ്യപ്രഭാഷണം നടത്തി. സാധ്യതകൾ നിറഞ്ഞ ലോകത്ത് തന്റേതായ പാത വെട്ടിത്തുറന്നു മുന്നോട്ടു നീങ്ങുന്നവരാണ് വിജയം നേടുന്നതെന്നു അദ്ദേഹം പറഞ്ഞു. ഡിസിഎൽ പ്രവർത്തനത്തിലൂടെ സമൂഹത്തിന്റെ മുഖ്യധാരയിൽ എത്തിച്ചേരാൻ കഴിഞ്ഞവർ നിരവധിയാണ്. ഉയരങ്ങൾ കീഴടക്കാൻ ശ്രമിക്കുന്പോഴുള്ള തടസങ്ങൾ ദൃഢനിശ്ചയത്തിലൂടെ നീക്കം ചെയ്യാനാകുമെന്നും ഫാ. റോയി കണ്ണൻചിറ കൂട്ടിച്ചേർത്തു. സ്കൂൾ പ്രിൻസിപ്പൽ റവ. ഡോ. ആന്റണി പുത്തൻകുളം, ഫാ. സെബാസ്റ്റ്യൻ പോത്തനാമൂഴി, ഫാ. ചാൾസ് കപ്യാരുമലയിൽ, ഫാ. പോൾ മണവാളൻ, ജി.യു. വർഗീസ്, പിടിഎ പ്രസിഡന്റ് സിബി കണ്ണന്പുഴ തുടങ്ങിയവർ പ്രസംഗിച്ചു. ദേശീയ പഞ്ചഗുസ്തി മത്സരത്തിൽ ഇരട്ട വെള്ളിമെഡൽ കരസ്ഥമാക്കിയ സ്കൂൾ വിദ്യാർഥിനി ആർദ്ര സുരേഷിനെ യോഗത്തിൽ അനുമോദിച്ചു.